Músaem Brooklyn

Músaem ealaíne i mbuirg Brooklyn i gCathair Nua-Eabhrac is ea Músaem Brooklyn. Is é an 3ú músaem is mó i gCathair Nua-Eabhrac agus 1.5 milliún mír á chaomhnú in 560,000 troighe cearnacha (52,000 méadar cearnacha) de spás. Tá Músaem Brooklyn suite ag 200 Eastern Parkway, i lár thuaidh Brooklyn. Bunaíodh é sa bhliain 1895 i bhfoirgneamh nuachlasaiceach a dhear an comhlacht ailtirí McKim, Mead & White. Sa bhliain 1897 a osclaíodh na doirse. An cuspóir a bhí ag lucht bunaithe an mhúsaeim ná an músaem ba mhó ar Domhan a bheith acu. Tugann leathmhilliún duine cuairt ar an Músaem gach bliain anois.

WD Bosca Sonraí Foirgneamh Músaem Brooklyn
Lipéad sa teanga dhúchais	(en) Brooklyn Museum
Sonraí
Cineál	Dánlann agus eagraíocht neamhbhrabúis
Cuid de	New York Art Resources Consortium (en)
Ailtire	McKim, Mead and White
Foirgníocht	1897
Dáta na hoscailte oifigiúla	1895
Tréith
Stíl ailtireachta	Beaux-Arts
Suíomh geografach
Limistéar riaracháin	Brooklyn, New York
Suíomh	200 Eastern Parkway, Brooklyn, NY 11238
40° 40′ 16″ N, 73° 57′ 49″ O
Liostaithe sa National Register of Historic Places
Cineál	NRHP building
Am	22 Lúnasa 1977
Aitheantóir	77000944
New York City Landmark
Am	15 Márta 1966
Aitheantóir	0155
Gníomhaíocht
Cuairteoirí in aghaidh na bliana	500,000
Suíomh gréasáin oifigiúil	brooklynmuseum.org

Tá an músaem suite trasna Eastern Parkway ó Prospect Heights, agus idir Park Slope agus Crown Heights. Tá Luibhghairdín Brooklyn taobh leis, agus iad araon in éineacht le Leabharlann Lárnach Bhrooklyn, Grand Army Plaza agus Prospect Park in aon cheantar mór nádúrtha/cultúrtha amháin. Ar feadh i bhfad ba doiligh le lucht riartha agus stiúrtha an mhúsaeim an foirgneamh agus an bailiúchán a choimeád iomlán. Tháinig rath air go déanach san 20ú haois, áfach, agus rinneadh athchóiriú ar ghnéithe éagsúla den mhúsaem.

Ar chodanna suntasacha an bhailiúchán tá seaniarsmaí, go mór mhór an bailiúchán Sean-Éigipteach a bhfuil míreanna ann as réimse 3,000 bliain. Tá a lán samplaí d'ealaín na hAfraice, ealaín ón Aigéine, ealaín na Seapáine, agus ealaín agus éadaí Bhundúchasaigh Mheiriceá ann chomh maith. Tá bailiúchán láidir Meiriceánach a thosnaíonn leis an dtréimhse Choilíneach. Ar ealaíontóirí a bhfuil saothar leo sa mhúsaem tá Mark Rothko, Edward Hopper, Norman Rockwell, Winslow Homer, Edgar Degas, Georgia O'Keeffe, and Max Weber. Tá dealbhghairdín cuimhneacháin ann freisin ina bhfuil píosaí ailtireachta a tarrtháladh ar fud Chathair Nua-Eabhrac.

Cúirt lárnach Mhúsaem Brooklyn

Naisc sheachtracha

• Suíomh Mhúsaem Brooklyn, arna rochtain ar 11 Meith. 2016