Prospect Park

Páirc uirbeach i lár thuaidh Brooklyn, i gCathair Nua-Eabhrac, is ea Prospect Park. Tá an pháirc suite idir Park Slope, Windsor Terrace, Ascaill Flatbush, Grand Army Plaza agus Luibhghairdín Brooklyn. Is é 585 acra (237 ha) nó 2.1 cileamédar cearnacha achar na páirce. Bíonn ráchairt i measc an phobail ar an bpáirc: tugann timpeall 8 milliún duine cuairt uirthi gach bliain. Stiúrann an Prospect Park Alliance agus an Department of Parks and Recreation de chuid Chathair Nua-Eabhrac an pháirc.

Prospect Park
Suíomh
40° 39′ 41″ N, 73° 58′ 13″ O
Stát ceannasach	Stáit Aontaithe Mheiriceá
Stát sna Stáit Aontaithe	Nua-Eabhrac
Cathair sna Stáit Aontaithe	Nua-Eabhrac
Borough of New York City (en)	Brooklyn
Tíreolaíocht
Achar dromchla	526 acre
Sonraí stairiúla
Cruthú	18 Deireadh Fómhair 1867
Eile
Suíomh gréasáin	prospectpark.org

An bóthar isteach i Reilig Cumann na gCarad, reilig phríobháideach laistigh den pháirc ina bhfuil Montgomery Clift, aisteoir, curtha

Frederick Law Olmsted agus Calvert Vaux, ailtirí tírdhreacha, a dhear an pháirc i ndiaidh dóibh Central Park a leagan amach. Osclaíodh Prospect Park ar 19 Deireadh Fómhair 1867. Tá an pháirc suite ar shraith cnoc suas le 200 troigh ar airde chun an tuaiscirt agus ar thalamh mín sa deisceart. B'iad na hoighearshruthanna deireannacha an chúis leis an dá ghné fisiciúla den pháirc. Fearadh cuid de Chath Brooklyn (nó Cath an Oileáin Fhada) ar shuíomh na páirce sa bhliain 1776. Tá an loch is mó in Brooklyn (60 acra nó 24 ha) i ndeisceart na páirce.

Cuireadh Prospect Park ar an National Register of Historical Places ar 17 Meán Fómhair 1980.

Cosán tríd an seanchoill i lár na páirce. An Nethermead ag ceann an chosáin.

Naisc sheachtracha

• New York City Department of Parks and Recreation. Dáta rochtana 14 Meith. 2016
• Prospect Park Alliance. Dáta rochtana 15 Meith. 2016