Vicipéid

Ríona Sally Hartman

amhránaí agus cumadóir amhrán Éireannach

Is amhránaí agus cumadóir amhrán Éireannach í Ríona Sally Hartman. Luaitear í mar réalta snagcheoil.[1] Tá cáil ar an gcomhcheol bláfar a bhíonn ina cuid saothar snoite, as míne acústach a cuid amhrán, agus as na scéalta aduaine a bhíonn taobh thiar díobh.[2][3]

Infotaula de personaRíona Sally Hartman
Gníomhaíocht
Gairmamhránaí, cumadóir amhrán, file Cuir in eagar ar Wikidata
SeánraSnagcheol, popcheol agus ceol tíre
UirlisCeol gutha
Suíomh gréasáinrionasallyhartman.com Cuir in eagar ar Wikidata
Instagram: rionasally Youtube: UC758NYlHctqL-VmTCqccBGA Bandcamp: rionasallyhartman Soundcloud: riona-sally-hartman Spotify: 2IC8uAPlTqw8A6DiaFTrVj Apple Music: ríona-sally-hartman/380651599 Songkick: 10235856 Amazon Music: B003UOW35I/ríona-sally-hartman Deezer: 7857964 Cuir in eagar ar Wikidata


Tá stíleanna éagsúla le braith ina cuid ceoil, snagcheoil, ceol tíre, agus popcheol ina measc. Is geall le gearrscéalta osréalacha iad a cuid amhrán. Déanann sí tagairt do Frida Kahlo. Cuireadh a cuid amhránaíochta féin i gcomparáid le leithéidí Theo Bleckmann agus Becca Stevens.[3] Ní thógann sí féin ceann de sheánraí mórán, ach ó thaobh an cheoil de deir sí go bhfuil sí faoi anáil chumadóirí a sníomhann nósanna nua na cumadóireachta isteach sa phopcheol, amhail Becca Stevens, Julie Feeney agus Bjork.[4]

I measc na dtograí ceoil atá Hartman i ndiaidh páirt a ghlacadh iontu tá an EP An Bóthar le Mark Ó Loinsigh (2016) mar atá ceol curtha le dánta de chuid Sheáin Uí Ríordáin,[1] IMLÉ (ó 2017 i leith, go háirithe ar an albam Fáilte Isteach),[5][6] agus chuaigh sí ar stáitse Whelan's in éineacht le hInni-K agus SELK mar BAN BAM.[7][2] Deir sí go bhfuil a croí istigh sa Ríona Sally Hartman Band, mar a bhíonn ceoltóirí den scoth ag obair as lámha a chéile léi. Is leothu a thaifid sí an t-albam Big Starving Thing agus an EP Sealegs.[8]

Fógraíodh in 2018 go mbeadh Hartman ar an gcéad Cheoltóir Chónaitheach riamh le Leabharlanna Poiblí Bhaile Átha Cliath, ról a bhí cumadóireacht, cur i láthair, agus ceardlanna i gceist leis.[9]

Ghlac Hartman páirt sa chlár raidió An Seisiún de chuid RnaG (2018), a "thugann dúshlán ceoltóirí amhráin i nGaeilge a chumadh agus a thaifeadadh taobh istigh d’am teoranta i stiúideo ceoil".[10] In 2020 d'eisigh sí Siúl Amach Léi in éineacht le hAindrias De Staic, Colm Ó Snodaigh agus Rónán Ó Snodaigh, chomh maith le Gach Rath, agus Abair Liom. D'eisigh sí an t-amhrán Fód in 2021.

Féach freisin

cuir in eagar

Naisc sheachtracha

cuir in eagar

Tagairtí

cuir in eagar
  1. ↑ 1.0 1.1 "'An Bóthar' go Seán Ó Ríordáin". NÓS (17 Márta 2016). Cartlannaíodh an bunleathanach ar 29 Feabhra 2024. Dáta rochtana: 28 Bealtaine 2024.
  2. ↑ 2.0 2.1 darren (23 Nollaig 2016). "BAN BAM ft. Inni-K, Ríona Sally Hartman & SELK". Whelan's. Cartlannaíodh an bunleathanach ar 28 Bealtaine 2024. Dáta rochtana: 28 Bealtaine 2024.
  3. ↑ 3.0 3.1 Cormac Larkin (29 Bealtaine 2015). "Ríona Sally Hartman: Big Starving Thing | Album Review". The Irish Times. Cartlannaíodh an bunleathanach ar 29 Bealtaine 2024. Dáta rochtana: 28 Bealtaine 2024.
  4. ↑ Ríona Sally Hartman. "FAQ". Ríona Sally Hartman. Cartlannaíodh an bunleathanach ar 28 Bealtaine 2024. Dáta rochtana: 29 Bealtaine 2024.
  5. ↑ Sinéad Ní Uallacháin (09 Samhain 2017). "6+ Imeacht Ghaelacha". NÓS. Cartlannaíodh an bunleathanach ar 09 Meitheamh 2023. Dáta rochtana: 28 Bealtaine 2024.
  6. ↑ Meadhbh Ní Eadhra (14 Meitheamh 2022). "‘Tá níos mó éagsúlachta i gceol shaol na Gaeilge ná mar a bhíodh’". Tuairisc.ie. Cartlannaíodh an bunleathanach ar 27 Bealtaine 2024. Dáta rochtana: 28 Bealtaine 2024.
  7. ↑ Sinéad Ní Uallacháin (09 Feabhra 2017). "6 Imeacht Ghaelacha". NÓS. Cartlannaíodh an bunleathanach ar 02 Nollaig 2023. Dáta rochtana: 28 Bealtaine 2024.
  8. ↑ "Projects". Ríona Sally Hartman. Cartlannaíodh an bunleathanach ar 28 Bealtaine 2024. Dáta rochtana: 29 Bealtaine 2024.
  9. ↑ "Ríona Sally Hartman Confirmed As Dublin City Council Musician In Residence". Hotpress (11 Meitheamh 2018). Cartlannaíodh an bunleathanach ar 29 Bealtaine 2024. Dáta rochtana: 29 Bealtaine 2024.
  10. ↑ Méabh Ní Thuathaláin (09 Márta 2018). "FUAIM: Thug RnaG 12 uair an chloig do scoth na gceoltóirí trí amhrán Gaeilge a chumadh…". Tuairisc.ie. Cartlannaíodh an bunleathanach ar 28 Bealtaine 2024. Dáta rochtana: 28 Bealtaine 2024.


Aisghafa ó "https://ga.wikipedia.org/w/index.php?title=Ríona_Sally_Hartman&oldid=1248241"