Comharghrúpa ceoil is ea IMLÉ. Bunaíodh IMLÉ sa bhliain 2015. Sníomhtar filíocht, rapcheol, rac-cheol agus popcheol le chéile i bhfuaim an bhanna ar bhealach úr nach bhfuil a leithéid cloiste in aon áit eile, fiú i mBéarla[1], agus measctha le "hip hop, indie, honky-tonk Chonamara agus corr-dhlaíóg sean-nóis".[2]
Cíorann a gcéad albam ceoil cuid de cheisteanna móra an tsaoil: brí na beatha, ár gcaidreamh leis an bpláinéad agus aimsiú an dóchais san éadóchas. D’eisigh IMLÉ a n-albam début ar lipéad Gael Linn agus Karl Odlum a bhí mar léiritheoir air.
Ar an dara albam uathu Fáilte Isteach, tá buíon nua ceoltóirí le cloisteáil: Ríona Sally Hartman, Róisín Seoighe, Fergal Moloney agus Dave Hingerty. "Mar is iondúil le IMLÉ tá meascán stíleanna le brath ar an albam seo, idir trip-hop, ceol leictreonach, rac-cheol, indie agus damhsa."[3]
Sé an cheoltóir Cian Mac Cárthaigh a bhunaigh an banna ceoil IMLÉ sa bhliain 2016 mar bhuíon a mbeadh ábalta spás a thabhairt do seánraí éagsúla ceoil gan bheith fé ghreim aon lipéad ar leith.[4]
Cian Mac Cárthaigh: dordghiotáraí, agus an bunaitheoir. Féach air anseo.
Fergal Moloney: giotáraí agus an t-amhránaí le glór neamhshaolta
Gné tábhachtach dá gcur chuige is ea an meascán ceoltóirí agus amhránaithe a bhíonn ag casadh agus ag taifeadadh leo.[5] I measc na gceoltóirí seo tá Ríona Sally Hartmann, Aonghus Uí Lochlainn, Dave Keegan.[6]
Tá Karl Odlum ina léiritheoir fhadtréimhseach leis an ngrúpa.[7] Bhí sé ann ón chéad lá mar léiritheoir ceoil ar an chuid is mó de na píosaí atá taifeadta acu.[4]
Dóbair go gcuirfí críoch le hIMLÉ in 2020 tar éis d'Fhergal Moloney imeacht ón ngrúpa, cé go raibh tionchar mór aige ar an albam Fáilte Isteach a tháinig amach in 2022. Thug gig díolta amach i nGlaschú de mhisneach do na baill eile coinneáil orthu leis an albam sin áfach, agus le ceol nach é.[5]
Bhí leagan acústach den amhrán ‘Peacach’, óna gcéad albam IMLÉ (2016), le cloisteáil mar amhrán aitheantais an chláir BODKIN ar Netflix (2024).[9] Fergal Moloney, MC Muipéad agus Cian Mac Cárthaigh a scríobh agus a sheinn an bunleagan agus is í Róisín Seoighe a chanann an leagan seo le tionlacan giotáir ó Chian Mac Cárthaigh agus Neil Ó Briain.[10]
‘Banna na Bliana’ ag Gradaim Cheoil NÓS 2017, chomh maith le ‘Amhrán na Bliana’ (i gcomhair Críochfort), agus ‘Albam na Bliana (Nuacheol)’ (i gcomhair IMLÉ).[11]
Fuair siad ainmniúchán eile sa chatagóir ‘Banna na Bliana’ in 2018, ainmníodh Gan Mise, Gan Thú agus Ná Bac araon mar ‘Amhrán na Bliana’, ainmníodh Go Deo Go Deo mar ‘Físeán na Bliana’, agus ainmníodh IMLÉ (Eagrán Vinile) sa chatagóir ‘Ealaín na Bliana’.
Ainmníodh Críochfort mar ‘Físeán na Bliana’ in 2017.
IMLÉ (2016) - 9 n-amhrán, lena n-áirítear 'Go Deo, Go Deo', 'Críochfort', 'Síos an Bóthar' agus 'Fún Orm'; agus 2 amhrán breise, lena n-áirítear 'Gan Mise Gan Tú'
Fáilte Isteach (2022) - 9 n-amhrán, lena n-áirítear 'Fáilte Isteach', 'ÉAD', 'Do Chuid Jeans', 'Hop Scip Léim' agus 'Dúiseann Muid Suas'
Sláinte (2024, réamhtheachtaí ar EP a sheolfar san Fhómhar) - i gcomhar leis an rapálaí James Shannon agus Róisín Seoighe.[7]
Go Deo, Go Deo: Cuireann na liricí (anseoCurtha i gcartlann 2017-11-22 ar an Wayback Machine) an taobh daonna den chogaíocht a chur in iúl. Scéal simplí atá ann: litir ó bhean atá ag scríobh chuig a fear céile atá ag troid sa Chéad Chogadh Domhanda. Tá an bhean ag rá nach bhfuil sí i bhfabhar cogaidh agus gur cheart dó (an fear céile) a bheith sa bhaile leo. Scannánaíodh an físeán i gContae an Dúin. Ba iad Angus Mitchell a stiúir agus an t-amhránaí Gráinne Holland a léirigh. Féach ar 'Go Deo, Go Deo' ar Youtube anseo.
Críochfort: Déanann Críochfort plé ar an gcaidreamh casta atá againn mar dhaoine leis an domhan. Tá rudaí diúltacha agus dearfacha ag baint leis, ach sin cuid den tsaoil ina maireann muid. Tá neart faoin saol seo le bheith dóchasach faoi. Fergal Moloney a léirigh, le cóiréagrafaíocht ó Lauren Bamford agus an comharghrúpa 'Hot Zombie': Ann-Marie Brennan, Laurie Keegan, Emma Costello agus Lauren Bamford fhéin. Féach air ar Youtube anseo, agus Vimeo. Ailbhe Ní Riain (Raidió na Life) ag éist leis anseo. Liricí (ancroiait) anseo.
Síos an Bóthar: An féinmharú i gceist. Físeán déanta ag Fergal Moloney, agus liricí ag Fergal Moloney. Féach air ar Youtube anseo, Vimeo.
