Robert Kane
Ceimicí a rugadh i mBaile Átha Cliath ab ea Robert Kane (24 Meán Fómhair 1809 - 16 Feabhra 1890). An chéad duine a thairg an eitil fhréamhaí, atá an-tábhachtach sa cheimic orgánach. Rinne sé amach modh chun alcól meitile a íonghlanadh. Rinne sé an chéad sintéisiú sa cheimic orgánach nuair a d'ullmhaigh an chomhdhúil chiorclach meiseitiléin ón gcomhdhúil líneach aicéatón. D'fhoilsigh sé an tuarascáil cháiliúil The Industrial Resources of Ireland (Acmhainní Tionsclaíochta na hÉireann, 1844), saothar ceannródaíoch chun maoin na tíre a chur chun cinn trí thionsclaíocht is fostaíocht a chothú. Scríobh sé Elements of Chemistry (Uraiceacht na Ceimice, 1840-1841), a raibh cáil is rath idirnáisiúnta air. Ceapadh é i 1845 ina stiúrthóir ar Mhúsaem nua Thionsclaíocht na hÉireann, a ndearnadh Coláiste Ríoga na hEolaíochta de i 1867 (agus Roinn an Taoisigh i 1990).
| Robert Kane | |
|---|---|
.jpg) | |
| Saol | |
| Eolas breithe | Baile Átha Cliath, 24 Meán Fómhair 1809 |
| Náisiúntacht | Ríocht Aontaithe na Breataine Móire agus na hÉireann |
| Bás | Baile Átha Cliath, 16 Feabhra 1890 |
| Muintir | |
| Céile/Céilí | Katherine Sophia Baily |
| Páistí | liosta iomláin |
| Oideachas | |
| Alma mater | Coláiste na Tríonóide, Baile Átha Cliath Scoil Leighis, Coláiste na Tríonóide, Baile Átha Cliath |
| Teangacha | an Béarla |
| Gairm | |
| Gairm | ceimiceoir, scríbhneoir neamhfhicsin agus dochtúir leighis |
| Duaiseanna | |
| Ballraíocht | An Cumann Ríoga |
.svg){kind=small}
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |