Robert Murphy
matamaiticeoir agus fisicí Éireannach
Mac gréasaí, matamaiticeoir a rugadh i Mala ab ea Robert Murphy (1806-1843). I 1824 d'fhoilsigh matamaiticeoir as Maigh Nuad réiteach ar sheanfhadhb, ciúb a aimsiú trí gheoiméadracht a bheadh ina dhúbailt ar chiúb eile, ach tharraing an t-ógánach Murphy cáil air féin trí bhotún sa réiteach a léiriú. Agus é fós ina fhochéimí in Ollscoil Cambridge d'fhoilsigh sé ailt ar mhatamaitic fheidhmeach sa bhfisic is cothromóidí ailgéabracha. D'fhoilsigh sé leabhar ar leictreachas agus sraith alt bunúsach ar anailís, inbhéartú, díbirt is suimeáil. Scríobh sé an leabhar údarásach A Treatise on the Theory of Algebraical Equations (Tráchtas ar Theoiric na gCothromóidí Ailgéabracha, 1839).
| Robert Murphy | |
|---|---|
 | |
| Saol | |
| Eolas breithe | Maigh Eala, 1806 |
| Náisiúntacht | Ríocht Aontaithe na Breataine Móire agus na hÉireann |
| Bás | Londain, 12 Márta 1843 |
| Áit adhlactha | Reilig Kensal Green |
| Oideachas | |
| Alma mater | Coláiste Gonville agus Caius, Ollscoil Cambridge |
| Gairm | |
| Gairm | matamaiticeoir agus fisiceoir |
| Daoine le tionchar air/uirthi | George Green (en)  |
| Ballraíocht | An Cumann Ríoga |
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |