Ba cheoltóir reggae as Iamáice é Bob Marley (6 Feabhra, 1945 - 11 Bealtaine, 1981). Amhránaí, cumadóir, giotáraí agus gníomhaí polaitíochta a bhí ann.

Bob Marley
Bob-Marley-in-Concert Zurich 05-30-80.jpg
Bob Marley ag seinm ar 30 Bealtaine, 1980.
Ainm breithe Robert Nesta Marley
Ainm(neacha) eile Donald Marley, Tuff Gong
Rugadh 6 Feabhra, 1945
  Nina Mile, Saint Ann Parish, Iamáice.
Bás 11 Bealtaine, 1981
  Miami, Florida,SAM
Náisiúntacht Iamácach
Gairm Amhránaí
Seánra(í) ceoil Ceol reggae
Gníomhach 19621981
Lipéad/lipéid Beverley's, Studio One, JAD, Wail'n Soul'm, Upsetter, Tuff Gong
Gaolta le Bob Marley and the Wailers
Suíomh gréasáin bobmarley.com

CeolCuir in Eagar

Thosaigh Marley ag ceol i 1963 leis an ngrúpa ceol The Wailers agus bhain sé stíl shainiúil cumadóireachta agus gutha amach. Scaoil The Wailers roinnt de na céad ceirníní reggae leis an léiritheoir Lee "Scratch" Perry.

 
Grona Lund, 1977

Scoir The Wailers i 1974 agus chuaigh Marley chun cónaithe i Sasana, áit a thosaigh sé ag ceol ina aonar. Scaoil sé albam Exodus i 1977. D'éirigh go maith leis an albam ar fud an domhain.

D'fhan Exodus ar na cairteacha ar feadh 56 seachtain as a chéile. Scaoil sé ceithre singil as an albam,

  • "Exodus",
  • "Waiting in Vain",
  • "Jamming", agus
  • "One Love".

I 1978 scaoil sé an albam Kaya, agus bhí na singil "Is This Love" agus "Satisfy My Mind" ar an albam.


Saol pearsantaCuir in Eagar

Rugadh Robert (Bob) Nesta Marley ar fheirm a sheanathair (ar thaobh a mháthar) i Nina Mile, Saint Ann Parish, Iamáice. Bhí a a thuistí ina gcónaí ann, Norval Marley (1885-1955, mairnéalach ó Sussex i Sasana; fuair sé bás tobann de bharr taom croí) agus an t-amhránaí Cedella Booker (1926-2008),

Ar an 3 Nollaig 1976, rinneadh iarracht Marley a fheallmharú ina theach féin. Bhí Marley gortaithe. Thacaigh sé rialtas Iamáice agus a phríomh-aire Manley. Cúrsaí polaitíochta, go príomha, ba bhun leis an ionsaí is cosúil, i gcomhthéacs na géarchéime polaitiúla ag an am.

 
Bob Marley & the Wailers

Diagnóisíodh go raibh meileanóma urchóideach air sa bhliain 1977.

Ba Rastafárach díograiseach é agus chuir sé spioradáltacht ina cheol go minic. Ag an am céanna, ní raibh Marley sásta leanúint leis an gcóir leighis, ar chúiseanna creidimh go háirithe.

Fuair Marley bás ar an 11 Bealtaine 1981 i Miami agus é 36 bliain d'aois.

DioscliostaCuir in Eagar

  • Judge Not
  • Simmer Down
  • Catch a Fire
  • African Herbsman
  • Burnin'
     
    "Legend" Bob Marley, 1984, Island Records
  • Natty Dread
  • Live!
  • Rastaman Vibration
  • Exodus
  • Kaya
  • Survival
  • Uprising
  • Chances Are
  • Confrontation
  • Legend

TagairtíCuir in Eagar