Colm Mac Confhaola
Scríbhneoir úrscéalta Gaeilge is ea Colm Mac Confhaola[1] agus saothar foilsithe aige ó cuireadh a chéad leabhar i gcló i 1997 go dtí an lá atá inniu ann.
  | |
| Beathaisnéis | |
|---|---|
| Breith | 1945 78/79 bliana d'aois |
| Gníomhaíocht | |
| Gairm | scríbhneoir |
Saol
cuir in eagarRugadh Colm in Inis Córthaidh i Loch Garman sa bhliain 1945. D’fhoghlaim sé an Ghaeilge óna athair agus óna ghaolta sa Ghaillimh. Daragh an t-ainm a bhí ar a athair agus bhí tionchar ollmhór aige ar a mhac. Rugadh agus tógadh Daragh i gConamara. Cainteoir dúchais Gaeilge ab ea é. Bhog sé go dtí Loch Garman agus is ansin, sa cheardscoil, a thosaigh sé ag múineadh Gaeilge agus na cuntasaíochta. Is é Daragh a spreag grá don Ghaeilge ina mhac agus ba nós le Colm, agus é ag fás aníos, a chuid laethanta saoire a chaitheamh i gConamara agus é ag cur lena shaibhreas Gaeilge.[2]
Is mar mhúinteoir i bPobailscoil na Grainsí i Ros Mhic Thriúin, Loch Garman, a chaith Colm cuid dá shaol. Ba mhúinteoir Gaeilge agus ealaíne é. Chas sé ar an scríbhneoireacht agus é meánaosta. D’fhoilsigh sé a chéad leabhar, Ceol an Phíobaire i 1997. Is mó duais atá buaite ag Ó Confhaola dá chuid saothair litríochta, rud a léiríonn an bua atá aige mar scríbhneoir. Anuas air sin tá suim aige sa drámaíocht agus chum sé an dráma Faolchoin na Saoirse[3]. An leabhar deireanach atá foilsithe aige ná an leabhar ficsin, Smacht[4].
Oibríonn Colm mar theangeolaí Gaeilge le foireann eTeams[5]. Is córas é eTeams a chuireann seirbhísí aistriúcháin agus ateangaireachta ar fáil. Oibríonn Colm Mac Confhaola mar aistritheoir Gaeilge laistigh don chomhlacht.
Litríocht
cuir in eagar- Foilsíodh Ceol an Phíobaire ag Coiscéim i 1997. Tugann an t-úrscéal seo léargas ar Réabhlóid 1798 i Loch Garman.Tosaíonn an leabhar i samhradh 1793. Insíonn an sagart an scéal agus tugann sé cuntas cruinn ar an bhfulaingt a bhí i Loch Garman le linn réimeas Chromail. Insíonn sé a scéal pearsanta féin chomh maith agus tugann an sagart cuntas ar an am a chaith sé i bPrág agus sa Róimh mar dhíbeartach. Tá an saothar roinnte suas i 45 caibidil agus tá gluais le fáil ag deireadh an leabhair.
- Foilsíodh Cogadh ‘gus Cathú (Coiscéim) sa bhliain 2003. Is úrscéal stairiúil an leabhar seo atá bunaithe in Éirinn sna 1600dí.
Titeann sagart i ngrá le bean i bPort Láirge. Déanann sé iarracht an grá seo a chur uaidh agus de bharr sin téann sé go dtí Loch Garman. Is ansin a ghlacann sé páirt in Éirí Amach 1641. Ina dhiaidh sin téann sé ag taisteal. Is san Iodáil atá sé nuair a chloiseann sé scéal go bhfuil mac aige i bPort Láirge.
- Úrscéal scéinséara atá sa leabhar seo, Díoltas Millteach Scoir. D’fhoilsigh Coiscéim an leabhar i 2007. Taistealaíonn an príomhcharachtar ón Eoraip go dtí an Meánoirthear. Scéal grá atá ann a phléann téamaí conspóideacha an lae atá inniu ann.Tá Dónall Ó Dubhghaill i ngrá agus tá sé ag tnúth le filleadh abhaile óna phost san Araib Shádach chun an bhean lena bhfuil sé ag siúl amach a phósadh. Tagann fadhb roimhe áfach. Tá sé ar intinn ag eagraíocht rúnda galar dainséarach a scaipeadh trí thíortha an Iarthair chun díoltas a bhaint as an eagóir atá á himirt ar Mhoslamaigh an domhain. Mura gcuireann Dónall deireadh leis an bplean seo ní fada go mbeidh tionchar ag an ngníomh ar a shaol pearsanta féin.[6]
- D’fhoilsigh Coiscéim, Baile Átha Cliath an t-úrscéal Aoibhinn Beatha an Scoláire i 2010. Tugann an t-údar léargas cruinn ar shaol an scoláire agus na fadhbanna a bhíonn aige. Anuas air sin, nochtann sé an choiriúlacht a thiteann amach i mBaile Átha Cliath. Bogann grúpa mac léinn go dtí teach i mBaile Átha Cliath agus iad réidh chun bliain nua a thosú sa choláiste. Is minic a chruthaítear teannas idir na mic léinn fad is a chónaíonn siad sa teach. Bíonn brú ar chuid acu ó thaobh obair an choláiste de agus brú ar dhaoine eile nuair a thiteann siad i ngrá le daoine nach mothaíonn an tslí chéanna. Oíche amháin, feiceann duine do na mic léinn fear á mharú ag grúpa díolta drugaí. Glaoitear ‘An Fiaclóir’ ar cheannaire an ghrúpa sin agus teastaíonn uaidh an mac léinn a chonaic an marú a ghabháil.[7][[File:Aoibhinn Beatha an
- Foilsíodh Smacht i 2013 ag Leabhar Breac. Úrscéal do dhéagóirí a thugann léargas don léitheoir ar fhadhbanna sóisialta na hÉireann. Is baill de chlann mhífheidhmiúil í an déagóir Rós. Fuair beirt deirfiúracha le Rós bás nuair a chuaigh an teach trí thine. Toitíní agus an t-ól a thosaigh an tine. D’fhág Rós agus a tuismitheoirí an ceantar agus téann siad chun cónaí i dteach comhairle. Buaileann Rós le Cormac sa scoil nua agus tugtar le fios dúinn go bhfuil a fhadhbanna féin ag Cormac. Léiríonn an leabhar fadhb na bulaíochta agus an tslí ina dtéann Rós i ngleic léi. Teastaíonn uaithi go mbeidh struchtúr agus áthas ina saol agus téann sí á lorg.Fite fuaite le scéal Rós, pléann an t-údar scéal an mhúinteora atá idéalaíoch agus na dúshláin atá le sárú aige sa scoil, agus scéal an tsagairt atá gafa leis an ól. “Scéal corraitheach scanrúil a dhéanann léiriú údarásach ar réimse leathan d’fhadhbanna sóisialta agus síceolaíochta an tsaoil. Sampla cumasach é seo den réalachas sóisialta a mhúsclaíonn trua, déistin agus fearg sa léitheoir, agus a thugann lón machnaimh dó san am céanna.” —Moltóir, Oireachtas 2012 [8]
Gradaim
cuir in eagarI 2010 bhuaigh Colm Mac Confhaola an dara duais i gComórtas Liteartha an Oireachtais don scríbhneoir fásta i gcomhair an leabhair Aoibhinn Beatha an Scoláire.[9]
Bhuaigh Ceol an Phíobaire agus an dráma Faolchoin na Saoirse duais Oireachtais chomh maith.[10]
Tagairtí
cuir in eagar- ↑ Ireland Literature, [1] Curtha i gcartlann 2014-03-01 ar an Wayback Machine, Aoibhinn Beatha an Scoláire, 19
- ↑ Enniscorthy Guardian, "Wexford author's epic work in Irish", Enniscorthy Guardian, 2007 (en)
- ↑ An Comhlachas Náisiúnta Dramaíochta, "Leabharlann Thagartha" Curtha i gcartlann 2015-10-04 ar an Wayback Machine, Foras na Gaeilge, 2013
- ↑ "Smacht" Curtha i gcartlann 2014-04-13 ar an Wayback Machine, Leabhar Breac, 2013
- ↑ eTeams, "Oireachtas na Gaeilge" Curtha i gcartlann 2014-06-02 ar an Wayback Machine, 2010
- ↑ "Díoltas Millteach Scoir" Curtha i gcartlann 2015-06-02 ar an Wayback Machine, An Siopa Gaeilge, 2013
- ↑ Coiscéim, [www.coisceim.ie/aoibhinn.html "Aoibhinn Beatha an Scoláire"], 2010
- ↑ Leabhar.ie, "Smacht"[nasc briste go buan],2012
- ↑ "Buaiteoirí Comórtais Liteartha 2010" Curtha i gcartlann 2012-09-14 ar an Wayback Machine, Oireachtas na Gaeilge, 2010
- ↑ Leabhar Breac, "Smacht" Curtha i gcartlann 2014-04-13 ar an Wayback Machine,2013