Cruas
Tomhas ar fhriotaíocht ábhair do dhingeadh is scríobadh is ea cruas. Tá sé gaolta go ginearálta le géillstrus, neart teanntachta, agus neart comhbhrúiteachta an ábhair. Déantar an tomhas (i dtástálacha Brinell is Vickers) trí dhingeadh a dhéanamh go caighdeánach sa dromchla, agus leithead nó doimhneacht na dinge a thomhas. I dtástáil Mohs, atá níos cáilíochtúla, déantar iarracht an dromchla a scríobadh le gach ceann de na hábhair seo a leanas go ndéantar scríobadh air, agus luaitear cruas Mohs an ábhair scríobtha sin leis an dromchla:
| Ábhar scríobtha | Measúnú cáilíochtúil | Cruas Mohs |
|---|---|---|
| talc | brúnn ionga láimhe é | 1 |
| gipseam | scríobann ionga láimhe é | 2 |
| cailcít | scríobann bonn copair í | 3 |
| fluairít | scríobann gloine í | 4 |
| apaitít | scríobann scian póca í | 5 |
| iathchloch | scríobann grianchloch í | 6 |
| grianchloch | scríobann líomhán cruach í | 7 |
| tópás | scríobann corandam é | 8 |
| corandam | scríobann diamant é | 9 |
| diamant | 10 |
Mianreolaí Gearmánach ab ea Friedrich Mohs (1773-1839), agus cheap sé an tástáil seo i 1812.[1]
Tagairtí
cuir in eagar- ↑ Hussey, Matt (2011). "Cruas". Fréamh an Eolais. Coiscéim. p. 187.
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |