Leonel Fernández

Uachtarán na Poblachta Doiminicí is ea Leonel Fernández.

Leonel Fernández

(2016)
Beathaisnéis
Breith	26 Nollaig 1953 70 bliana d'aois Santo Domingo, An Phoblacht Dhoiminiceach
50 Uachtarán na Poblachta Doiminicí
16 Lúnasa 2004 – 16 Lúnasa 2012 ← Hipólito Mejía – Danilo Medina →
Uachtarán na Poblachta Doiminicí
16 Lúnasa 1996 – 16 Lúnasa 2000 ← Joaquín Balaguer – Hipólito Mejía →
Faisnéis phearsanta
Reiligiún	Caitliceachas
Scoil a d'fhreastail sé/sí	Ollscoil Uathrialach Santo Domingo
Teanga dhúchais	an Spáinnis
Gníomhaíocht
Gairm	polaiteoir, dlíodóir, scríbhneoir
Ball de pháirtí polaitíochta	Dominican Liberation Party (en) Fuerza del Pueblo (en)
Teangacha	An Spáinnis, Béarla agus an Fhraincis
Gradam a fuarthas (2013)  dochtúireacht oinigh ó Ollscoil Pháras 8 (2013)  Order of José Cecilio del Valle (en) (2011)  Order of the Quetzal (en)  Bronnta ag Álvaro Colom (19 Eanáir 1999)  Knight Grand Cross with Collar of the Order of Merit of the Italian Republic (en) (19 Lúnasa 1998)  Honorary doctorate from the University of Paris 1 Pantheon-Sorbonne (en)  Ord José Martí  Ord an Fhuascailteora, an Ginearál San Martín  Ord Fiúntais Phoblacht na hIodáile  Order of Merit of Duarte, Sanchez and Mella (en)  Ord an Neamhspleáchais  Order of Brilliant Jade (en)  Order of Christopher Columbus (en)
Síniú
Suíomh gréasáin	leonelfernandez.com

Rugadh i Santo Domingo é, ar an 26 Nollaig, 1953. Ba iad José Antonio Fernández Collado agus Yolanda Reyna Romero a thuismitheoirí. Chuaigh an teaghlach go dtí na Stáit Aontaithe agus chaith sé a óige in Washington Heights, Nua-Eabhrac.

Nuair a bhí sé réidh leis an ardscoil d'fhill sé ar a thír dhúchais agus rinne sé staidéar ar an dlí ag Universidad Autónoma de Santo Domingo. Chuaigh sé le polaitíocht agus chláraigh leis an PLD nuair a bunaíodh é sa bhliain 1973, nuair a d'éirigh Juan Bosch as an PRD chun páirtí nua a bhunú. Bhí Fernández ina dhalta ag Bosch agus sheas sé leis mar iarrthóir don leas-uachtaránacht i dtoghchán na huachtaránachta sa bhliain 1994. Toghadh é féin ina uachtarán dhá bhliain ina dhiaidh sin agus dhírigh sé ar leasuithe polaitiúla agus eacnamaíocha a dhéanamh.

Mhéadaigh sé rannpháirtíocht na tíre i bhfóraim ar nós Eagraíocht na Stát Meiriceánach agus an "Miami Summit". D'fhás an geilleagar Doiminiceach a seacht faoin gcéad sa bhliain ar an meán le boilsciú íseal agus cuireadh tús le han-chuid tógála ar fud na tíre. Chuir sé fáilte roimh infheistíocht ón iasacht ach ba bheag a rinne sé chun leasuithe sóisialta a chur ar bun. Níor cheadaigh an bunreacht dó rith arís sa chéad toghchán eile, sa bhliain 2000, agus toghadh Hipólito Mejía ón PRD ina áit.

Bhí Fernández ar ais i gcumhacht áfach tar éis an toghcháin a tionóladh ar an 16 Bealtaine 2004 agus tromlach mór ag a pháirtí. Atoghadh é mar nár éirigh le Mejía bail mhaith a chur ar an ngeilleagar. Meastar gur mar gheall ar mhéadú i bpraghas ola agus teip na heacnamaíochta tar éis an ionsaí ar Nua-Eabhrac ar an 11 Meán Fómhair 2001 a thiontaigh an pobal in aghaidh an rialtais. Bhí i bhfad barraíocht airgid faighte ar iasacht ag Mejía agus theip ar na bancanna ba mhó sa tír mar gheall ar a gcuid caimiléireachta.

Tháinig Fernández i gcumhacht arís ar an 16 Lúnasa 2004. Is cosúil go bhfuil muinín ag daoine as ó thaobh an gheilleagair de ach go gceapann siad gur cuma leis faoi cheisteanna sóisialta. Níl formhór an phobail ag baint leasa rómhóir as fás na heacnamaíochta. Cuirtear ina leith nach bhfuil go leor infheistíochta á dhéanamh aige i soláthar bia, fuinnimh, leictreachais, oideachais agus leasú na gcúirteanna. Is beag dul chun cinn atá déanta i gcoinne na caimiléireachta.