Osclóidh seo an príomhroghchlár

Réabhlóidí Éireannach agus sóisialaí ab ea Micheál Ó MealláinMichael Mallin (1 Nollaig 18748 Bealtaine 1916)[1] a ghlac páirt gníomhach in Éirí Amach 1916.[2]

Mícheál Ó Mulláin

Dáta breithe 1 Nollaig 1874
Áit bhreithe Baile Átha Cliath, Éire
Dáta báis 8 Bealtaine 1916
  Príosún Chill Mhaighneann, Baile Átha Cliath, Éire
Páirtí Arm Cathartha na hÉireann
Gairm Fíodóir síoda
Céile Agnes Hickey
Michael Mallin - (Commandant Irish Republican Army) Executed May 8th, 1916. (36052732403).jpg

Clár ábhair

SaolCuir in Eagar

Tús a shaoilCuir in Eagar

Rugadh Ó Mulláin sna Saoirsí i gcroílár Bhaile Átha Cliath.[3], [4]

Ba é Micheál an duine ba shine de sheisear clainne a tháinig slán ó naíonacht; fuair cúigear eile bás agus iad ina leanaí. Ní raibh seo as an ghnáth in aon chor ag an am.

Cé go raibh bá ag a mháthair don phoblachtachas, bhí cuid den teaghlach báite i gcultúr míleata Shasana. Mí amháin roimh a chúigiú breithlá déag, liostáil sé leis na Royal Scots Fusiliers mar dhrumadóir. Chaith sé beagnach 14 bliain in arm Shasana, cuid mhaith de san India.

1902Cuir in Eagar

 
Rugadh Ó Mulláin sna Saoirsí

Tháinig Micheál abhaile ag deireadh 1902. Fuair sé post mar fhíodóir poiplín ag Atkinson & Co agus chuaigh sé le Ceardchumann na bhFíodóirí Síoda sa chathair. Chuaigh a thaithí ansin go mór i bhfeidhm air. Roimh i bhfad bhí sé ina oifigeach ar cheardchumainn na bhfíodóirí síoda agus ansin ina rúnaí ar an cheardchumann.

1913Cuir in Eagar

In Earrach 1913 chuaigh na hoibrithe i monarcha Atkinson ar stailc agus bhí Micheál i gcroílár imeachtaí. Bhí bua acu sa deireadh ach níorbh fhada gur éirigh Micheál as a phost sa mhonarcha agus sa cheardchumann.

 
Royal Scots Fusiliers

Chuaigh sé ansin leis an ITGWU.Roimh i bhfad bhí sé i mbun oibre leis an Arm Cathartha na hÉireann. Rinneadh príomh-oifigeach traenála de agus faoi dheireadh 1914 d’ainmnigh Séamus Ó Conghaile é mar cheann foirne.

Mar aon leis an Chonghaileach scríobh Ó Mealláin sraith alt don Workers’ Republic ag deireadh 1915 ar chúrsaí míleata, a chuir béim ar chogaíocht neamhrialta. Thug le fios dá lucht léite grubh fhéidir le baicle bheag trodairí an lámh in uachtar a fháil ar fhórsa láidir ar nós arm Shasana.

1916Cuir in Eagar

I rith an Éirí Amach, bhí Ó Mulláin mar leas cheannasaí faoi Séamas Ó Conghaile agus i gceannas ar an ngrúpa saighdiúirí ag Faiche Stiabhna i mBaile Átha Cliath, leis an gCúntaois Markiewicz mar leascheannaire.

Ghéill sé ar an Domhnach, 30 Aibreán 1916 nuair a fuair sé an t-ordú ón gCongailleach. Cuireadh chun báis é ar an 8ú lá de Bealtaine.

TagairtíCuir in Eagar