Páirtí Parlaiminteach na hÉireann

Páirtí polaitíochta a bhí gníomhach in Éirinn agus an Ríocht Aontaithe ag deireadh an 19ú haois agus tús an 20ú haois ab ea Páirtí Parlaiminteach na hÉireann (Béarla: Irish Parliamentary Party, an IPP) nó Páirtí an Rialtais Dúchais.

Páirtí Parlaiminteach na hÉireann

(en) Irish Parliamentary Party (ga) Páirtí Parlaiminteach na hÉireann
Sonraí
Ainm gearr	IPP
Cineál	páirtí polaitíochta
Idé-eolaíocht pholaitíochta	Náisiúnachas in Éirinn
Foirm dlí
Dáta a bunaíodh	1882
Bunaitheoir(í)	Isaac Butt
Dáta díscaoilte, díothaithe nó scartáilte	1921
Eile
Dath

Armas na hÉireann - Suaitheantas IPP

Charles Stewart Parnell, bunaitheoir.

Bhí an Páirtí ag iarraidh Rialtas Dúchais a bhaint amach in Éirinn. Theastaigh parlaimint i mBaile Átha Cliath uathu ach ní raibh aon locht acu ar an mBanríon Victoria a bheith ina banríon ar Éirinn.

De ghnáth chabhraídís féin agus an Páirtí Liobrálach lena chéile i Westminster.

Fuair an Páirtí Parlaiminteach an chuid is mó dá dtacaíocht in Éirinn ó na Caitlicigh.

Sheáin Mhic Réamainn, 1917

Seán Diolún (John Dillon) 1900

Stair

B'é Charles Stewart Parnell a bhunaigh an páirtí sa bhliain 1882, in áit Léig an Rialtais Dúchais,

Bhí scoilt sa pháirtí nuair a thit Parnell sa bhliain 1891, ach athaontaíodh é ar 30 Eanáir 1900 faoi cheannas Sheáin Mhic Réamainn (John Redmond) agus níos déanaí Seán Diolún.

Tar éis Éirí Amach na Cásca sa bhliain 1916 agus an ghéarchéim choinscríobh i 1918, chaill siad a suíocháin ar fad sa rialtas mar bhog fabhar an phobail go dtí Sinn Féin. Bhí deireadh leis an bpáirtí seo beagnach sa Saorstát mar bhí Rialtas Dúchais as dáta mar choincheap. Lean sé ar aghaidh i dTuaisceart na hÉireann, áfach, mar pháirtí beag faoin ainm Páirtí na Náisiúnaithe.

Ceannairí

• Charles Stewart Parnell (1882-1891)
• Seán Mac Réamainn (1891-1900)
• Justin McCarthy (1891-1892)
• Seán Diolún (1892-1900)
• Seán Mac Réamainn (1900-1918)
• Seán Diolún (1918)
• Seosamh Ó Doibhilin (1918-1921)