Sadiq Khan

Polaiteoir Briotanach agus méara Londan faoi láthair is ea Sadiq Aman Khan PC, a rugadh ar 8 Deireadh Fómhair 1970. Is ball den Pháirtí an Lucht Oibre é. Tá sé ar an eite chlé "bhog" den pháirtí. Áirítear é mar dhaonlathaí sóisialta ó thaobh na hidé-eolaíochta de.

An Ró-Onórach
Sadiq Khan

(2020)
Beathaisnéis
Breith	(en) Sadiq Aman Khan 8 Deireadh Fómhair 1970 54 bliana d'aois Tooting, England
3 Méara Londan
9 Bealtaine 2016 – ← Boris Johnson Toghadh i: 2016 London mayoral election (en)
Ball den 56ú Parlaimint sa Ríocht Aontaithe
7 Bealtaine 2015 – 9 Bealtaine 2016 (éirí as) Téarma parlaiminte: 56ú Parlaimint na Ríochta Aontaithe Toghcheantar: Tooting Toghadh i: Olltoghchán na Ríochta Aontaithe 2015
Scáth-Ard-Seansailéir
8 Deireadh Fómhair 2010 – 11 Bealtaine 2015 ← Jack Straw – Charles Falconer, Baron Falconer of Thoroton (en)  →
Scáth-Rúnaí Stáit do Dhlí agus Chirt
8 Deireadh Fómhair 2010 – 11 Bealtaine 2015 ← Jack Straw – Charles Falconer, Baron Falconer of Thoroton (en)  →
Scáth-Rúnaí Stáit d'Iompair
14 Bealtaine 2010 – 8 Deireadh Fómhair 2010 ← Theresa Villiers – Maria Eagle →
Ball den 53ú Parlaimint sa Ríocht Aontaithe
6 Bealtaine 2010 – 30 Márta 2015 (díscaoileadh na parlaiminte) Téarma parlaiminte: 55ú Parlaimint na Ríochta Aontaithe Toghcheantar: Tooting Toghadh i: Olltoghchán na Ríochta Aontaithe 2010
An tAire Stáit d'Iompair
8 Meitheamh 2009 – 11 Bealtaine 2010
An tAire Stáit do Phobail agus Rialtais Áitiúil
4 Deireadh Fómhair 2008 – 8 Meitheamh 2009
Ball den 54ú Parlaimint sa Ríocht Aontaithe
5 Bealtaine 2005 – 12 Aibreán 2010 (díscaoileadh na parlaiminte) Téarma parlaiminte: 54ú Parlaimint na Ríochta Aontaithe Toghcheantar: Tooting Toghadh i: Olltoghchán na Ríochta Aontaithe 2005
Member of Wandsworth London Borough Council (en)
1994 – 2006
Ball de Chomhairle Dhlíthiúil na Ríochta Aontaithe
Faisnéis phearsanta
Reiligiún	An tIoslam Sunnaíoch
Scoil a d'fhreastail sé/sí	Ollscoil North London Ernest Bevin College (en) London Metropolitan University (en)
Gníomhaíocht
Suíomh oibre	Londain
Gairm	polaiteoir, dlíodóir, dlíodóir
Ball de pháirtí polaitíochta	Páirtí an Lucht Oibre
Teangacha	Béarla agus an Urdúis
Ghlac sé/sí páirt i
25 Bealtaine 2023	International endorsement letter. Barcelona leads the way (en)
Teaghlach
Céile	Saadiya Khan (1994–)
Gradam a fuarthas (2018)  Sitara-i-Imtiaz (en) (2018)  Time 100
Suíomh gréasáin	sadiq.london

Bhí Khan ina dhlíodóir cearta daonna sular roghnaíodh mar iarrthóir de chuid Pháirtí an Lucht Oibre don Pharlaimint é, sa bhliain 2004. I mí na Bealtaine 2016, toghadh mar Mhéara Londan é.

roimh 2010

Saol

22 Samhain 2017

Rugadh Khan isteach i dteaghlach Pacastánach den lucht oibre in Tooting, Londain Theas. Bhain Khan amach céim dlí in Ollscoil Londan Thuaidh.

Deir Khan gurb iad na rudaí a spreag é i dtosach báire chun a bheith ina dhlíodóir an chomhairle a thug múinteoir dó go bhfóirfeadh a aighneasacht don tslí bheatha sin, agus an tionchar a bhí ag an tsraith theilifíse "L.A. Law" air.

Fuair Khan céim ollscoile ó Ollscoil Londan Thuaidh (Ollscoil Chathrach Londan mar atá sí anois) sa bhliain 1991. Ansin rinne sé a chuid staidéir sa College of Law i nGuildford.

Dlíodóir

Idir 1994 agus 2004 bhí Khan ina dhlíodóir faoi oiliúint ar dtús, ansin ina chomhlach, agus (ó 1997 i leith) ina chomhpháirtí, i gcomhlacht dlíodóirí arb iad cásanna cúnaimh dhlí an speisialtóireacht atá aige. Thugtaí "Christian Fisher" ar an comhlacht seo i dtosach ama; athainmníodh é mar "Christian Khan" sa bhliain 2002.

Chuimsigh a chleachtadh mar dhlíodóir cásanna i réimsí ar nós dlí fostaíochta, dlí idirdhealaithe, cásanna a bhain le mí-iompar na bpóilíní, dlí príosúin, cearta sibhialta agus cearta daonna a raibh amhras sceimhlitheoireachta orthu.

Feisire

Idir 1994 agus 2006, bhí Khan ina bhall Chomhairle Wandsworth, ar son Pháirtí an Lucht Oibre. D'éirigh sé as an dlíodóireacht chomh luath agus a rinneadh iarrthóir parlaiminte ionchasach de chuid Pháirtí an Lucht Oibre haghaidh Tooting sa bhliain 2004. Toghadh mar Fheisire é sa bhliain dár gcionn. Feisire Parlaiminte a bhí ann ar son Tooting ó 2005 go 2016.

Tharraing sé cáil air féin go luath, mar dhuine de na ceannairí an fheachtais ar éirigh leis stop a chur ar an tairiscint go dtabharfaí coinneáil nócha lá isteach le haghaidh daoine a raibh amhras orthu go ndearna siad cionta sceimhlitheoireachta. Roghnaíodh mar "Dhuine Nua na Bliana" ag The Spectator é mar chuid de Dhuaiseanna Parlaiminteoir na Bliana 2005.

Aoire agus aire

Rinneadh aoire de chuid Pháirtí an Lucht Oibre de, nuair a ceapadh Gordon Brown mar Phríomh-Aire sa bhliain 2007. Rinneadh cáineadh air ag an am sin, mar gheall ar an bpáirt a bhí aige agus é á chinntiú go rithfí coinneáil dhá lá is daichead le haghaidh daoine a bhfuil amhras sceimhlitheoireachta orthu.

Ansin, ó 2008 ar aghaidh, bhí dhá phost mar aire sóisearach aige faoi Gordon Brown

• an Fo-rúnaí Parlaiminteach le haghaidh na bPobal agus an Rialtais Áitiúil, 2008 go 2009 agus
• an tAire Iompair, 2009 go 2010;

Sa dara post bhí sé i bpost a dtabharfaí "sárshóisearach" air in Éirinn, ag freastal ar bhord an rialtais de réir mar ba ghá).

Ós rud é go raibh páirt ríthábhachtach aige mar thacaí de Ed Milliband, bhí sé ina Scáth-Rúnaí Stáit Ceartais agus Scáth-Ard-Seansailéir idir Deireadh Fómhair 2010 agus Bealtaine 2015 (chomh maith le bheith ina Scáth-Aire um Londain idir Eanáir 2013 agus Bealtaine 2015).

London Pride, 2016

Méara

I mí na Bealtaine 2016, toghadh mar Mhéara Londan é. Mar Mhoslamach atá ag cleachtadh a chreidimh, a bhfuil tuairimí forásacha aige i dtaobh na polaitíochta agus cúrsaí sóisialta, tá sé go mór i mbéal an phobail, ar fud na tíre agus ar fud an domhain.

Tá sé ina Mhéara i dtréimhsí scanrúla, a thiocfadh leo a bheith deighilteach, i ndiaidh na n-ionsaithe sceimhlitheoireachta atá ag tarlú i bpríomhchathair na Breataine le blianta beaga anuas.

Bhí Khan ag éileamh ó 2016 go dtí 2019 go gcuirfí deireadh leis an mBreatimeacht le reifreann nua.

Pearsanta

Phós Khan Saadiya Ahmed, aturnae chomh maith, sa bhliain 1994. Tá beirt chlainne orthu.