Teanglann

Suíomh gréasáin a sholáthraíonn foclóirí tábhachtacha Gaeilge, chomh maith le sonraí gramadaí agus foghraíochta, is ea Teanglann. Tugtar an Leabharlann Teanga agus Foclóireachta ar an suíomh freisin. Is é Foras na Gaeilge a d'fhorbair an suíomh mar thionscadal comhthreomhar le tionscadal an Fhoclóra Nua Béarla-Gaeilge.

Teanglann

URL	https://www.teanglann.ie/ agus http://breis.focloir.ie/
Cineál	suíomh gréasáin
Cur i seirbhís	31 Deireadh Fómhair 2013
Tír	Éire

Tá leaganacha inchuardaithe leictreonacha den English-Irish Dictionary (eag. Tomás de Bhaldraithe, 1959), Foclóir Gaeilge-Béarla (eag. Niall Ó Dónaill, 1977), agus An Foclóir Beag (eag. Niall Ó Dónaill agus Pádraig Ua Maoileoin, 1991) ar an suíomh.

Aip

Tá leagan den suíomh ar fáil mar aip ar Google Playstore agus Apple Appstore freisin, saor in aisce.

Is féidir suas le 3 fhoclóir Gaeilge móide na comhaid ghramadaí agus fuaime a íoslódáil. Agus is féidir leat úsáid na mbunachar uile a shaincheapadh de réir do riachtanais féin – má bhíonn spás ag teastáil ar do ghléas, is féidir fáil réidh le bunachair áirithe, agus iad a ath-íoslódáil níos déanaí más mian.

Feidhmeanna agus gnéithe

•    Uathchríochnú sa chuardach chun cabhrú leat focail agus frásaí a aimsiú go tapa;
•    Cuir réiltín leis na hiontrálacha is fearr leat chun iad a shábháil;
•    Liosta de na cuardaigh is déanaí a rinne tú;
•    Tapáil faoi dhó ar fhocal in iontráil chun é sin a chuardach;
•    An comhéadan ar fáil i nGaeilge nó i mBéarla (nó sa Fhraincis).

Féach freisin

• Focloir.ie

Naisc sheachtracha

Is féidir teacht ar an leagan den aip do ghléasanna Apple anseo agus an leagan Android anseo