Yuri Gagarin

Ba spásaire Sóivéadach é Yuri Alekseyevich Gagarin (Rúisis: Юрий Алексеевич Гагарин). Ba é Yuri Gagarin an chéad duine riamh a chuaigh lasmuigh d'atmaisféar an domhain.

Yuri Gagarin
ball de Chomhairle Uachtarach an Aontais Shóivéadaigh
Saol
Ainm iomlán	Yuri Alekséyevich Gagarin
Eolas breithe	Klushino (en) , 9 Márta 1934
Náisiúntacht	An tAontas Sóivéadach
Áit chónaithe	An tAontas Sóivéadach
Bás	Novosyolovo (en) , 27 Márta 1968
Áit adhlactha	Kremlin Wall Necropolis (en)
Cúis bháis	(timpiste eitlíochta)
Muintir
Athair	Aleksey Gagarin
Máthair	Anna Gagarina
Céile/Céilí	Valentina Ivanovna Gagarina
Páistí	liosta iomláin Yelena Gagarina Galina Yuryevna Gagarina
Oideachas
Alma mater	College named Yuri Gagarin (Saratov) (en) (Lúnasa 1951 - Orenburg Military Aviation Piloting High School (en) (Deireadh Fómhair 27, 1955 - Deireadh Fómhair 25, 1957) Zhukovsky Air Force Engineering Academy (en) (Meán Fómhair 1, 1961 - Márta 2, 1968)
Teangacha	An Rúisis
Gairm
Gairm	eitleoir, spásaire, oifigeach míleata, polaiteoir agus taiscéalaí
Rannpháirtí 22nd Congress of the Communist Party of the Soviet Union (en) 23rd Congress of the Communist Party of the Soviet Union (en)
Airde	1.65 m agus 1.57 m
Duaiseanna	Laoch an Aontais Shóivéidigh  (Aibreán 14, 1961) Ord Leinín  (Aibreán 14, 1961) Pilot-Cosmonaut of the USSR  (Meitheamh 27, 1961) Hero of Socialist Labour of Czechoslovakia  (Aibreán 29, 1961) Hero of Socialist Labour  (Bealtaine 24, 1961) Order of Georgi Dimitrov  (Bealtaine 24, 1961) Order of the Cross of Grunwald, 1st class  (Meitheamh 20, 1961) Order of the Flag of the People's Republic of Hungary  (Lúnasa 21, 1961) Order of Karl Marx  (Deireadh Fómhair 22, 1963) Order of the Nile  (Eanáir 31, 1962) Order of Klement Gottwald Hero of Labor  (Aibreán 28, 1962) Star of the Republic of Indonesia  (Meitheamh 10, 1961) Order of Playa Girón  (Iúil 18, 1961) Order of the Star of Africa  (Feabhra 6, 1962) Order of Aeronautical Merit Order of the Southern Cross  (1961) Order of the Cross of Grunwald Jubilee Medal "Twenty Years of Victory in the Great Patriotic War 1941–1945"  (Bealtaine 9, 1965) Medal "For the Development of Virgin Lands"  (Aibreán 12, 1961) Jubilee Medal "40 Years of the Armed Forces of the USSR"  (1958) Jubilee Medal "50 Years of the Armed Forces of the USSR"  (Eanáir 1968) Medal "For Impeccable Service", 3rd class  (Márta 1966) Merited Master of Sports of the USSR [[]] Supreme Soviet of the Soviet Union [[]]
Ballraíocht	International Academy of Astronautics (en)
Seirbhís mhíleata
Brainse míleata	Yuri Gagarin Cosmonaut Training Center (en) Soviet Air Forces (en)
Céim	coirnéal podpolkovnik (en) maor senior lieutenant (en) leifteanant
Cleamhnú
Páirtithe polaitíochta	Páirtí Cumannach an Aontais Shóivéidigh
IMDb	nm0300789
Discogs ID	322179

Luathshaol

Rugadh Gagarin ar an 9 Márta, 1934 ar an taobh thiar de phríomhchathair na Rúise, Moscó.

Tháinig sé i méadaíocht ar fheirm chumannach mar a raibh a athair ina shiúinéir. Chuaigh an t-athair isteach san arm nuair a rinne an Ghearmáin ionradh ar an Rúis agus tugadh Yuri agus an chuid eile den teaghlach amach as láthair na cogaíochta.

Nuair a bhí sé san iarbhunscoil chuir Yuri spéis sa teicneolaíocht agus fuair sé oiliúint sa mhiotalóireacht.

Chuir sé spéis in eitleáin ina dhiaidh sin agus é ar choláiste agus d'fhreastail sé ar ranganna eitleoireachta. Ba léir go raibh an tallann aige mar phíolóta agus chuaigh sé isteach san Aerfhórsa nuair a bhí sé réidh leis an choláiste.

Píolóta trialach a bhí ann, eitleáin nua á dtriail aige in aois nua na scairdeitleán. Nuair a thosaigh clár taiscéalaíocht spáis na Rúise bhí Gagarin ar bís le páirt a ghlacadh ann. Bhí sé ar dhuine den seisear a oileadh mar spásairí san Aontacht Shóivéadach agus piocadh é le bheith ina phíolóta ar an chéad spáslong.

An chéad duine riamh sa spás

Ar an 12 Aibreán 1961 ba é Yuri Gagarin an chéad duine riamh a chuaigh lasmuigh d'atmaisféar an domhain. Rinne sé timthriall ar an bpláinéad ar bhord an spásárthach Vostok a hAon ("Oirthear" is brí leis an bhfocal Rúisise sin vostok). Bhí sé seacht mbliana fichead d'aois nuair a teilgeadh sa spás é as Baikonur. Turas 108 nóiméad a bhí ann. Ba é 28,260 ciliméadar san uair an luas b'airde a shroich a árthach agus é sa spás.

Ba iad Sergey Korolyov agus Kerim Kerimov (nó Kərim Əli oğlu Kərimov, mar a litrítear a ainm ina theanga dhúchais féin - Asarbaiseánach a bhí ann) príomhailtirí an turais seo. Ba é Korolyov "athair na spáseitilte" san Aontas Sóivéadach.

Cáil agus bás

Mig-15 RA-0488G (14678763899)

Ón lá sin amach, 12 Aibreán 1961, bhí Gagarin ina laoch ar fud an domhain. Bhain sé an-taitneamh as a cháil.

Ar dtús, ní raibh cead ag Gagarin eitilt arís áfach. Cuireadh luach an-ard ar a shaol. Chuir an srian as go mór dó.

I 1968, thosaigh Gagarin ag dul faoi oiliúint san aer. Cúpla seachtain níos déanaí, maraíodh Gagarin i dtimpiste ar an 27 Márta 1968 agus eitleán nua (MIG-15) á thriail aige. 34 bliana d'aois a bhí sé. Bhí an timpiste faoi bhrat rúndachta, agus tá go leor conspóide ag baint leis fós.

Créamadh a chorp agus cuireadh an laoch i mballa sa Chreimil.