An Iúgslaiv

Tugadh an Iúgslaiv ar thrí aonad éagsúla polaitiúla sa bhfichiú haois. Tír na Slavach ó Dheas is ciall leis an ainm i dteangacha Slavacha na mBalcán.

An Iúgslaiv
Bratach
Aintiún	A Shlavaigh
Suíomh
44° 49′ 14″ N, 20° 27′ 44″ E
Príomhchathair	Béalgrád
Daonra
Iomlán	23,271,000 (1991)
• Dlús	90.97 hab./km²
Déamainm	Iúgslavach
Teanga oifigiúil	an tSeirbea-Chróitis
Tíreolaíocht
Achar dromchla	255,804 km²
Suite i nó in aice le limistéar uisce	Muir Aidriad
Pointe is airde	Triglav (en) (2,864 m)
Ar theorainn le	Gearmáin na Naitsithe an Bhulgáir an Ostair an tAontas Eorpach an Albáin an Ungáir an Rómáin an Ghréig an Iodáil (1929–)
Sonraí stairiúla
Cruthú	1 Nollaig 1918
Díscaoileadh	27 Aibreán 1992
Á leanúint ag	stáit Iar-Iúgslavacha
Eagraíocht pholaitiúil
Córas rialtais	monarcacht agus poblacht
Eacnamaíocht
Airgeadra	dinar na hIúgslaive
Aitheantóir tuairisciúil
Lonnaithe i gcrios ama	UTC+01:00
Fearann Idirlín barrleibhéil	.yu
Glaochód	+38
Cód tíre	YU

Alexander I

Stair

1918-1941

Ba í Ríocht na hIúgslaive an chéad tír ar tugadh an t-ainm uirthi, agus d'eascair sí as Ríocht na Seirbiach, na gCróiteach agus na Slóivéineach a bunaíodh ar an i Nollaig 1918, nuair a cruthaíodh aontas idir stáit na Slóivéineach, na gCróiteach agus na Seirbiach agus ríocht na Seirbe.

Athraíodh ainm na tíre go Ríocht na hIúgslaive ar an 3 Deireadh Fómhair 1929. Ba é Rí Alexander I, ceannaire na ríochta.

Tito, 1942

1941-1991

Rinne an Iodáil agus an Ghearmáin ionradh ar an tír sa bhliain 1941 . Mar gheall ar na heachtraí a tharla le linn an Dara Cogadh Domhanda cuireadh an ríocht ar ceal sa bhliain 1945.

D'fhógair treallchogaithe cumannach (na Páirtínigh) An Iúgslaiv Dhaonlathach Fheidearálach sa bhliain 1943.

D'athraíodh an t-ainm go Daonphoblacht Fheidearálach na hIúgslaive sa bhliain 1946 agus rialtas comhchumannach i gceannas.

Athraíodh an t-ainm arís sa bhliain 1963, go Poblacht Shóisialach Fheidearálach na hIúgslaive.

Slobodan Milosovic, Cúisíodh é as coireanna cogaidh a dhéanamh

Bhí an tír comhdhéanta de shé phoblacht shóisialach: an tSlóivéin, An Chróit, An Bhoisnia-Heirseagaivéin, Montainéagró, An tSeirbia agus An Mhacadóin.

Dúradh le Colm Doyle sa leabhar Witness to War Crimes gur eascair an nimh sa bhfeoil idir na náisiúin éagsúla as eachtraí an Dara Cogadh Domhanda. Cuireadh faoi ndeara do na dreamanna éagsúla a tháinig le chéile san Iúgslaiv faoi cheannas an Ghinearáil Tito tarraingt le chéile. Ní hé sin le rá go ndearna siad dearmad ar naimhdeas na staire agus rinneadh seanchairteacha a thochailt tar éis titim an Aontais Shóivéadaigh agus imeachtaí 1991/1992.

1991-2006

Thit an Iúgslaiv as a chéile sna cogaí a lean bás Tito.

Bunaíodh Poblacht Fheidearálach na hIúgslaive i mí Mhárta 1992 agus í comhdhéanta den dá thír nár fhág an Chónaidhm, an tSeirbia agus Montainéagró,

Ba é Slobodan Milošević Uachtarán na Seirbia idir 1989 agus 1997 agus Uachtarán Iúgslavach idir 1997 agus 2000.

Ar an 1 Aibreán 2001 gabhadh Milošević sa Bhéalgrád. Cúisíodh é as coireanna cogaidh a dhéanamh.

Cuireadh deireadh go hoifigiúil leis an Iúgsláiv nuair a d'fhógair an dá thír sin a neamhspleáchas i mí Mheithimh, 2006.