Ba é Slobodan Milošević (Seirbis: Слободан Милошевић) (20 Lúnasa, 194111 Márta, 2006) Uachtarán na Seirbia idir 1989 agus 1997 agus Uachtarán Iúgslavach idir 1997 agus 2000. Bhí sé ina Uachtarán ar Phoblacht Chónaidhme na hIúgslaive idir 1997 agus 2000 chomh maith.

Slobodan Milošević
Слободан Милошевић
Slobodan Milosevic.jpg

1ú Uachtarán na Seirbia
In oifig
8 Bealtaine 198923 Iúil 1997
Réamhtheachtaí: (oifig nua)
Comharba: Milan Milutinović

3ú Uachtarán Iúgslavach
In oifig
23 Iúil 19975 Deireadh Fómhair 2000
Réamhtheachtaí: Zoran Lilić
Comharba: Vojislav Koštunica

Dáta breithe 20 Lúnasa 1941
Áit bhreithe Požarevac, An Iúgsláiv
Dáta báis 11 Márta 2006
  An Háig, An Ísiltír
Páirtí Socijalistička Partija Srbije
Céile Mirjana Marković
Síniú
Íomhá:Slobo-singature.PNG
máthair Stanislava agus deartháir Borislav agus Slobodan
Diagaire ab ea athair Milošević agus chuir sé lámh ina bhás féin sa bhliain 1962.

Ar an 1 Aibreán 2001 gabhadh Milošević sa Bhéalgrád. Cúisíodh é as coireanna cogaidh a dhéanamh. Tugadh chun trialach é sa Háig maidir le coireanna cogaidh.

SaolCuir in Eagar

Diagaire ab ea athair Milošević agus chuir sé lámh ina bhás féin sa bhliain 1962. Chuir a uncail ar thaobh a mháthar lámh ina bhás féin an bhliain dár gcionn (maorghinearál ab ea é).

 
1988, 47 bliain d'aois

Bronnadh céim onóracha ar Milošević sa bhliain 1964 ag Dámh an Dlí. Faoi phátrúnacht Petar Stambolić agus daoine eile d'oibrigh sé a bealach aníos ó phost riaracháin nó post ghnó go ceann eile. Rinneadh cathaoirleach ar Technogas de sa bhliain 1973 agus uachtarán ar Beobanka sa bhliain 1978.

 
1995, nuair a shínigh an Comhaontú Dayton

Ba thobann mar a tháinig sé i gcumhacht. Rinne sé dul chun cinn tapa i Léig na gCumannach Seirbiach agus bhain sé amach uachtarántacht na heagraíochta sin sa bhliain 1986. Thart ar an am sin a thosaigh sé cur chun cinn go géar leas na daoine de bhunadh Seirbiach ar fud na hIúgslaive, sa Chosaiv (cúige féinrialaitheach de chuid na Seirbia) ach go háirithe.

Deirtear go minic gur pointe cinniúnach i scaoileadh na hIúgslaive é an óráid a thug sé ag Polje na Cosaive ar 24 Aibreán 1987.[1] Ina dhiaidh sin, chuir sé an ruaig ar Stambolić (a bhí ina mheantóir dó) agus tháinig sé ina ionad mar Uachtarán na Seirbia.

Ón bpointe sin go dtí gur chaill Milosevic toghchán na huachtaránachta le haghaidh Phoblacht Chónaidhme na hIúgslaive sa bhliain 2000, bhí páirt lárnach an-chonspóideach aige i bpolaitíocht inmheánach na Seirbia agus na hIúgslaive.

CogadhCuir in Eagar

Ar 24 Márta 1999, chuir ECAT tús le hionsaí ar an Iúgslaiv de bharr an ghlanadh eitnigh a bhí ar bun in aghaidh Albánach na Cosaive.

I mí Bealtaine 1999 díotáladh i gcoireanna in aghaidh na daonnachta é Milosevic, a bhíothas á mhaíomh gur rinneadh le linn chogadh na Cosaive iad; ina dhiaidh sin cúisíodh é i gcoireanna cogaidh sa Chróit agus sa Bhoisnia agus i gcinedhíothú sa Bhoisnia chomh maith leis sin.

TriailCuir in Eagar

I ndiaidh do Milosevic a bheith gafa ag údaráis na Seirbia i mí Aibreán 2001, tugadh ar láimh é (agus an Seirbia ina raic faoi) chun trialach os comhair an Bhinse Choiriúil Idirnáisiúnta don Iar-Iúgslaiv.

 
Comhaontú Dayton, Páras, ar 14 Nollaig 1995, agus Clinton, Chirac, Kohl agus Major ann

Níor ghlac Milošević le dlíodóirí cosanta agus rinne sé iarracht labhairt ar a shon féin ar feadh na trialach ceithre bliana ar fad. Dúradh a lán rudaí (rudaí cáinteacha, den chuid is mó) faoi chinneadh an Dlí-Sheomra Achomhairc go raibh cead aige é sin a dhéanamh, gan ach fíorbheagán srianta, go mór mór toisc gur léirigh sé a dhímheas ar an gcúirt go mínáireach, gur thapaigh sé an deis chun cosaint pholaitiúil seachas cosaint dlí, go bunúsach, a dhéanamh maidir leis an méid a rinne sé agus é i gcumhacht agus toisc gur chuir a shláinte (a bhí ag dul in olcas) isteach go mór ar dhul chun cinn na trialach.

BásCuir in Eagar

Fuair Milošević bás ar an 11 Márta, 2006 sa Háig. Chríochnaigh na himeachtaí gan fhíorasc ar bith maidir leis na cúisimh ina leith.

Ina dhiaidh sin chaith roinnt cinntí ón mBCII agus ón gCúirt Bhreithiúnais Idirnáisiúnta amhras air an gcruthófaí go raibh sé ciontach as cinedhíothú sa Bhoisnia, in aon chor nó sa mhéid gur cuireadh ina leith é sa díotáil.

Rinne Human Rights Watch measúnú ar an turgnamh a rinneadh nuair a tugadh cead go Milošević a chosaint féin a dhéanamh, i dtuarascáil ("Weighing the Evidence: Lessons from the Slobodan Milosevic Trial")[2] a foilsíodh roinnt míonna i ndiaidh a bháis.

Féach freisinCuir in Eagar

TagairtíCuir in Eagar

  1. Scoil Dlí, COBÁC (2018). "Slobodan Milošević" (ga). Facebook. Dáta rochtana: 2021-03-11.
  2. "Weighing the Evidence: Lessons from the Slobodan Milosevic Trial: Trial Procedure". www.hrw.org. Dáta rochtana: 2021-03-11.