Melvin Calvin
Bithcheimiceoir ab ea Melvin Ellis Calvin (8 Aibreán, 1911 – 8 Eanáir, 1997) a raibh cáil air as timthriall Calvin a fhionnadh in éineacht le Andrew Benson agus James Bassham, ar bronnadh Duais Nobel na Ceimice air sa bhliain 1961.[1] Chaith sé an chuid is mó dá ghairmréim chúig dheich mbliana in Ollscoil Chalifornia, Berkeley.
Luathshaol agus oideachas
cuir in eagarRugadh Melvin Calvin i Saint Paul, Minnesota, mac le Elias Calvin agus Rose Herwitz,[2] inimircigh Giúdacha ó Impireacht na Rúise (ar a dtugtar an Liotuáin agus an tSeoirsia anois).
Ag aois an-óg, chuaigh teaghlach Melvin Calvin ar imirce go dtí Detroit, áit a raibh a thuismitheoirí i mbun siopa grósaera lena slí bheatha a bhaint amach. Is minic a thángthas ar Melvin Calvin ag fiosrú a fhiosrachta trí fhéachaint trí na táirgí ar fad a bhí ina seilfeanna. Rud a d’aithin sé go tapa ná tábhacht na ceimice do tháirgí laethúla agus dár saol laethúil. Rud a d'aithin sé go tapa ná an tábhacht a bhaineann le ceimic do tháirgí laethúla agus dár saol laethúil.
Tar éis dó céim a bhaint amach san Central High School sa bhliain 1928,[3] chuaigh sé ar aghaidh ag staidéar i gColáiste Mianadóireachta agus Teicneolaíochta Michigan (ar a dtugtar Ollscoil Teicneolaíochta Michigan anois) áit ar bhain sé an chéad Bhaitsiléir Eolaíochta sa Cheimic amach sa scoil. Chuaigh sé ar aghaidh lena Ph.D. a thuilleamh in Ollscoil Minnesota i 1935. Agus é faoi thionchar chomhairle a meantóra George Glocker, rinne sé staidéar agus scríobh sé a thráchtas ar leictreonfhiníocht na halaiginí. Tugadh cuireadh dó dul isteach i saotharlann Mhichíl Polanyi mar mhac léinn Iar- Dhochtúireachta in Ollscoil Mhanchain. Bhí an dá bhliain a chaith sé ag an saotharlann dírithe ar staidéar a dhéanamh ar struchtúr agus iompar móilíní orgánacha. Sa bhliain 1942, phós sé Marie Genevieve Jemtegaard, agus bhí triúr iníonacha acu, Elin, Sowie, agus Karole, agus mac, Noel.[4]
Tagairtí
cuir in eagar- ↑ Hussey, Matt (2011). "Melvin Calvin". Fréamh an Eolais. Coiscéim. p. 111.
- ↑ Tá ort na shonrú' 'teideal = agus' 'url = nuair a úsáideann {{ lua idirlín}}."". Cartlannaíodh an bunleathanach ar 2013-01-24. Dáta rochtana: 2023-08-20.
- ↑ "Melvin Calvin Summary" (as en) .
- ↑ "Remembering Melvin Calvin (1911–1997), a highly versatile scientist of the 20th century" (as en) (2020-01-01). Photosynthesis Research 143 (1): 1–11. doi:. ISSN 1573-5079. PMID 31792877.
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |