Oriana Fallaci

Iriseoir, scríbhneoir agus gníomhaí Iodálach ab ea Oriana Fallaci (29 Meitheamh 1929 – 15 Meán Fómhair 2006).

Oriana Fallaci

Beathaisnéis
Breith	29 Meitheamh 1929 Flórans (an Iodáil)
Bás	15 Meán Fómhair 2006 77 bliana d'aois Flórans (an Iodáil)
Siocair bháis	Bás nádúrtha (Ailse scamhóg)
Áit adhlactha	Cimitero Evangelico agli Allori (en)
Faisnéis phearsanta
Reiligiún	Aindiachas
Scoil a d'fhreastail sé/sí	Ollscoil Flórans Liceo classico statale Galileo (en)
Teanga dhúchais	an Iodáilis
Gníomhaíocht
Réimse oibre	Iriseoir
Gairm	comhfhreagraí cogaidh, iriseoir, scríbhneoir, polaiteoir, páirtiseán
Tréimhse oibre	1958 –
Ball de pháirtí polaitíochta	Páirtí Gníomhaíochta
Teangacha	An Iodáilis
Teaghlach
Céile	luach ar iarraidh
Páirtí	Alexandros Panagoulis
Siblín	Neera Fallaci agus Paola Fallaci
Gradam a fuarthas  Gold medal for merit in school, culture and art (en)  Ambrogino d'oro (en)

Saol

Rugadh agus d'éag sí i bhFlórans na hIodáile.

Páirtíneach a bhí in Fallaci agus í óg le linn an Dara Cogadh Domhanda. Gortaíodh go dona í le linn Sléacht Tlatelolco i Meicsiceo sa bhliain 1968.

Iriseoireacht

Scríobh sí go minic faoi chogaíocht agus réabhlóidí, agus thuill an iliomad agallamh a chuir sí ar cheannairí as gach cearn den domhan clú faoi leith di.

Ar na hagallaimh fhada sa leabhar úd sin aici Interview with History tá agallaimh le hIndira Gandhi, Golda Meir, Yasser Arafat, Zulfikar Ali Bhutto, Willy Brandt, Mohammad Reza Pahlavi (seá na hIaráine), Henry Kissinger, an Uachtarán Nguyễn Văn Thiệu i Vítneam Theas agus an Ginearál Vítneamach Thuaidh Võ Nguyên Giáp.

Khomeini faoi agallamh ag Fallaci

In Playboy a foilsíodh an t-agallamh le Kissinger, a scríobh ní ba dhéanaí gurbh é an comhrá ba thubaistí a rinne sé riamh le duine den phreas. Chuir sí agallamh ar Deng Xiaoping, Lech Wałęsa, Muammar Gaddafi, Cayetana Fitz-James Stuart, 18ú Bantiarna Alban, agus ar dhaoine eile nach iad.

I ndiaidh éirí as an iriseoireacht di, tharraing sí an spotsolas uirthi féin arís le sraith alt agus leabhar conspóideacha faoi Ioslam, leabhair a cháin a lán daoine ach a fuair tacaíocht ó roinnt daoine eile.

Nascanna seachtracha

• Scéala a báis ar an Washington Post, 15 M.F. 2006. Arna rochtain ar 8 M.F. 2016