Osclóidh seo an príomhroghchlár
Oriana Fallaci

Iriseoir, scríbhneoir agus gníomhaí Iodálach ab ea Oriana Fallaci (29 Meitheamh 192915 Meán Fómhair 2006).

SaolCuir in Eagar

Rugadh agus d'éag sí i bhFlórans na hIodáile.

Páirtíneach a bhí in Fallaci agus í óg le linn an Dara Cogadh Domhanda. Gortaíodh go dona í le linn Sléacht Tlatelolco i Meicsiceo sa bhliain 1968.

IriseoireachtCuir in Eagar

Scríobh sí go minic faoi chogaíocht agus réabhlóidí, agus thuill an iliomad agallamh a chuir sí ar cheannairí as gach cearn den domhan clú faoi leith di.

Ar na hagallaimh fhada sa leabhar úd sin aici Interview with History tá agallaimh le hIndira Gandhi, Golda Meir, Yasser Arafat, Zulfikar Ali Bhutto, Willy Brandt, Mohammad Reza Pahlavi (seá na hIaráine), Henry Kissinger, an Uachtarán Nguyễn Văn Thiệu i Vítneam Theas agus an Ginearál Vítneamach Thuaidh Võ Nguyên Giáp.

 
Khomeini faoi agallamh ag Fallaci

In Playboy a foilsíodh an t-agallamh le Kissinger, a scríobh ní ba dhéanaí gurbh é an comhrá ba thubaistí a rinne sé riamh le duine den phreas. Chuir sí agallamh ar Deng Xiaoping, Lech Wałęsa, Muammar Gaddafi, Cayetana Fitz-James Stuart, 18ú Bantiarna Alban, agus ar dhaoine eile nach iad.

I ndiaidh éirí as an iriseoireacht di, tharraing sí an spotsolas uirthi féin arís le sraith alt agus leabhar conspóideacha faoin Ioslam, leabhair a cháin a lán daoine ach a fuair tacaíocht ó roinnt daoine eile.

Nascanna seachtrachaCuir in Eagar

TagairtíCuir in Eagar