Walter Kohn
Fisiceoir teoiriciúil a rugadh i Vín na hOstaire ar an 9 Márta 1923, a d'oibrigh i gCalifornia ab ea Walter Kohn. Cuireadh chun Sasana é sa Kindertransport sa bhliain 1933, agus ansin ar aghaidh go Ceanada mar a bhfuair sé a chuid oideachais go dtí 1948, bliain a thug sé faoi chlár dochtúireachta in Ollscoil Harvard. Bhí saoránacht Cheanadach aige ach d'éirigh sé aisti nuair a bhain sé saoránacht Mheiriceánach amach sa bhliain 1957. Giúdaigh a mhuintir agus cuireadh a thuismitheoirí chun báis san Uileloscadh.
Bhain an taighde is suntasaí a rinne sé le forbairt theoiric na dlúsfheidhme chun cur síos ar airíonna móilíní is a bpróiseas imoibrithe, agus ról na dóchúlachta sna cúrsaí sin. Le John Pople, bhuaigh sé Duais Nobel na Ceimice sa bhliain 1998 as an saothar.
Fuair Kohn bás ar an 19 Aibreán 2016.
Naisc sheachtracha
cuir in eagar- Beathaisnéis Kohn ag suíomh oifigiúil Dhuais Nobel, arna rochtain ar 24 Aibreán 2014
- Leathanach Kohn ag Suíomh Dhámh na hOllscoile Curtha i gcartlann 2010-06-19 ar an Wayback Machine University of California-Santa Barbara. Arna rochtain ar 24 Aibreán 2014.[1]
Tagairtí
cuir in eagar- ↑ Hussey, Matt (2011). "Walter Kohn". Fréamh an Eolais. Coiscéim. p. 387.
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |