Is í Dáil Éireann teach íochtarach an Oireachtais, an pharlaimint i bPoblacht na hÉireann. Toghtar go díreach í ar a laghad uair amháin gach cúig bliana leis an gcóras ionadaíocht chionmhar agus an t-Aonvóta Inaistrithe. Is í an craobh is treise san Oireachtas í, agus i bhfad níos mó cumhachta aici ná mar atá ag an teach uachtarach, Seanad Éireann. In éineacht leis an tSeanad ritheann sí dlíthe a thagann i bhfeidhm má chuireann an tUachtarán a lámh leo, ach is féidir leis an Dáil neamhthoil an tSeanaid a shárú agus ní mór don Uachtarán glacadh le Bille atá rite ag an Oireachtas ach amháin má fheictear dó gur sárú ar an Bhunreacht atá ann. Is í an Dáil a ainmníonn Taoiseach lena cheapadh ag an Uachtarán. Cruinníonn an Dáil i dTeach Laighean i mBaile Átha Cliath ó 1922.

Tionól na hÉireann
Dáil Éireann
33ú Dáil
Oireachtas logo.svg
Cineál
Cineál Teach íochtair den Oireachtas
Ceannairí
Ceann Comhairle
(President)
Seán Ó Fearghaíl, (FF)
ón lá 10 Márta 2016
Struchtúr
Baill 166
Current Dáil Éireann composition.svg
Páirtithe polaitíochta

Rialtas (84)

Freasúra (75)

Uachtarán an Dlísheomra

Toghchán
Córas vótála Aonvóta inaistrithe
Toghchán deireanach 25 Feabhra 2011
Áit chruinnithe
Dáil Chamber.jpg
Teach Laighean
Suíomh Gréasáin
oireachtas.ie


StairCuir in Eagar

 
Baill na céad Dála

Bunaíodh an Chéad Dáil sa bhliain 1919. Ba Dháil réabhlóideach í, a bunaíodh an lá ar bhris Cogadh na Saoirse amach sa tír. B'é an Dara Dáil a bhí i bhfeidhm nuair a vótáil an Dáil ar son an Chonradh Angla-Éireannach i 1922, agus b'é an Tríú Dáil an chéad Dáil a toghadh faoi chóras an chonartha sin, i 1922 chomh maith. Mar gheall ar a n-easaontú leis an gConradh, staon na frith-chonraitheoirí ón Tríú Dáil agus ón gCeathrú Dáil, ach scar páirtí nua, Fianna Fáil, ó na frithchonraitheoirí eile i Sinn Féin sa bhliain 1926 ionas go mbeidís in ann páirt a ghlacadh sa Dáil faoi chóras an chonartha, agus ghlac an páirtí sin suíocháin i nDáil Éireann sa Chúigiú Dáil agus i ngach Dáil ina diaidh.

Leagadh amach ról bunreachtúil na Dála mar atá faoi láthair don chéad uair i 1937, nuair a cuireadh Poblacht na hÉireann ar bun mar stát, agus bunreacht nua ag baint léi.

Baill den 33ú DáilCuir in Eagar

 
Miondealú na 33ú Dála de réir páirtí polaitiúil. Tá páirtithe an rialtais (Fianna Fáil, Fine Gael agus an Comhaontas Glas) ar an mbun, agus páirtithe an fhreasúra ar an mbarr.

Toghadh an 33ú Dáil in Olltoghchán na hÉireann, 2020. Is é seo a leanas ná miondealú na bpáirtithe go léir sa Dáil mar atá faoi láthair:

Páirtí Suíocháin
Sinn Féin 36
Fianna Fáil 36
Fine Gael 34
Comhaontas Glas 12
Páirtí an Lucht Oibre 7
Daonlathaigh Shóisialta 6
Dlúthpháirtíocht - Pobal Roimh Bhrabús 5
Aontú 1
Neamhspleáigh 21
Ceann Comhairle 1
Iomlán 160

Naisc sheachtrachaCuir in Eagar

TagairtíCuir in Eagar