Miotal trasdultach

Is éard is miotal trasdultach ann ná dúil a bhfuil d-fhosceall neamhiomlán ag a hadamh, nó a d'fhéadfadh caitiain a chruthú le d-fhosceall neamhiomlán. Áirítear leis seo dúile i ngrúpaí 3 go 12 den tábla peiriadach, cé go ndéantar dúile grúpa 12 (since, caidmiam, agus mearcair) a eisiamh uaireanta mar gheall ar a d-fhosceallaí lánlíonta ina staideanna ocsaídiúcháin is coitianta.

Is é an fo-leibhéal neamhiomlán a thugann na hairíonna atá liostaithe thíos do na miotail thrasdultacha;
• Foirmíonn siad coimpléisc dhaite.
• Tá staideanna athraitheacha ocsaídiúcháin acu.
• Gníomhaíonn na miotail agus a gcomhdhúile mar chatalaígh;

Cumraíocht leictreon

Agus cumraíochtaí leictreon na miotal trasdultacha á scríobh, cuimhnigh;
• go líonann an fosceall 4s roimh an 3d.
• go gcailltear na leictreoin 4s ar dtús nuair a fhoirmítear iain
• go bhfuil cumraíocht leictreonach 1s²2s² 2p⁶3s²3p⁶3d¹⁰ 4s¹ ag copar mar gheall ar chobhsaíocht bhreise 3d líonta
• go bhfuil cumraíocht leictreonach 1s²2s²2p⁶ 3s²3p⁶3d⁵4s¹ ag cróimiam mar gheall ar an chobhsaíocht bhreise atá ag 3d, atá leath-líonta.