Inmheatróis

Neamhord coitianta go leor is ea Inmheatróis (nó Endometriosis i mBéarla), ina bhfásann na cealla a bhíonn mar líneáil ar an gcuas útarach (an t-inmheitriam) ag ionaid eile sa cholainn, de ghnáth áit eile sa pheilbheas (mar shampla, ar na hubhagáin, an reicteam, nó an lamhnán). Buailfidh sé 10% de mhná uair éigin i rith a saoil.

Inmheatróis

Cineál	female reproductive system disease (en) , endometrial disease (en) agus galar
Speisialtacht leighis	gínéiceolaíocht
Cóireáil chliniciúil
Cógais danazol (en) , 17α-hydroxyprogesterone (en) , leuprolide (en) , norethindrone (en) , ethynodiol diacetate (en) , desogestrel (en) , nafarelin (en) , goserelin acetate (en) , levonorgestrel (en) , etonogestrel (en) , goserelin (en) , ethinyl estradiol / norethindrone (en) , medroxyprogesterone (en) , leuprolide (en) agus ethisterone (en)
Pataigineas
Suíomh	abdóman agus peilbheas
Cúis ghéiniteach	PDE1C, IL33, VEZT, KSR2 agus GREB1
Aicmiú
ICD-11	GA10
ICD-10	N80 agus N80.9
ICD-9	617, 617.9 agus 617.8
CIAP	X99
Acmhainní seachtracha
Enciclopèdia Catalana	0102148
OMIM	131200
DiseasesDB	4269
MedlinePlus	000915
eMedicine	271899 agus 795771
Patient UK	endometriosis-pro
MeSH	D004715
Orphanet	137820
UMLS CUI	C0014175, C0014175, C0269102 agus C0404545
DOID	DOID:289

Ní heol cén fáth a dtarlaíonn sé seo, ach is féidir go n-imíonn cealla inmheitriacha suas trí na feadáin útaracha le hionchlannú sa pheilbheas (míostrú aisiompaithe).

Freagraíonn na cealla inmheitriacha seo taobh amuigh den bhroinn do na comharthaí hormónacha céanna a bhfreagraíonn na cealla sa bhroinn dóibh. Prolaiféaraíonn siad, ag at gach mí, agus ag sceitheadh sa chéad tréimhse míostraithe eile. Spreagann sé seo freagairt athlasta sna horgáin pheilbheacha eile, agus is féidir go leanfaidh damáiste is coilm, fiú cisteanna lán d'fhuil sa bhfuil.

Is iad na siomptóim is troime a fheictear ná míostrú trom is pian sa pheilbheas, ach is féidir go dtiocfaidh neamhthorthúlacht as. Is é an chóireáil ar an riocht seo ná drugaí chun aithris a dhéanamh ar thoircheas, drugaí chun cosc a chur ar phrolaiféarú na gceall inmheitriach, nó máinliacht chun na coilm is na cisteanna a bhaint.

Éire

Sa bhliain 2021, bhí 155,000 bean ar a laghad in Éirinn a raibh inmheatróis orthu, agus ag streachailt leis an bpian, In 2022, impigh Cumann Inmheatróise na hÉireann ar an Rialtas plean a chur i bhfeidhm chun ionaid speisialta a fhorbairt le go bhfaighidh mná ar fud na tíre faoiseamh ón bpian.

Cuireadh Cumann Inmheatróise na hÉireann ar bun sa bhliain 1987 le heolas agus tacaíocht a thabhairt dóibh siúd go léir a gcuireann inmheatróis isteach orthu. Reachtáiltear an Cumann ar bhonn deonach, agus is mná a bhfuil inmheatróis orthu den chuid is mó atá ina bhun. Léigh as Gaeilge faoi anseo.