Jorge Luis Borges

Scríbhneoir scéalta fantaisíochta ón Airgintín ab ea Jorge Francisco Isidoro Luis Borges Acevedo, nó Jorge Luis Borges ( audio), mar a shínigh sé a chuid scéalta. Tháinig sé chun saoil in Buenos Aires ar an 24 Lúnasa 1899, agus cailleadh sa Ghinéiv é ar an 14 Meitheamh 1986. Tógadh go dátheangach é le Béarla agus le Spáinnis araon. Sa bhliain 1914, d'aistrigh an teaghlach go dtí an Eilvéis, agus chuaigh sé ar scoil ansin. Ina dhiaidh sin, thug siad turas ar fud na Spáinne. D'fhill Borges go dtí an Airgintín sa bhliain 1921, agus ansin, thosaigh sé ag scríobh. Tháinig an chéad chúpla scéal leis i gcló ar irisí de chuid lucht leanúna an osréalachais. Chuaigh sé le leabharlannaíocht mar shlí bheatha. Nuair a tháinig Juan Perón i gcumhacht san Airgintín, b'éigean do Borges post an leabharlannaí a fhágáil agus cur suas le géarleanúint pholaitiúil. Bhí sé ábalta, áfach, léachtanna a thabhairt go poiblí.

Jorge Luis Borges

(1951)
Beathaisnéis
Breith	(es) Jorge Francisco Isidoro Luis Borges Acevedo 24 Lúnasa 1899 Buenos Aires, An Airgintín
Bás	14 Meitheamh 1986 86 bliana d'aois an Ghinéiv, An Eilvéis
Siocair bháis	Bás nádúrtha (Ailse an ae)
Áit adhlactha	Reilig na Ríthe, D6 - 735 46° 12′ 05″ N, 6° 08′ 09″ E
Faisnéis phearsanta
Scoil a d'fhreastail sé/sí	Collège Calvin (–1918)
Teanga dhúchais	an Spáinnis
Gníomhaíocht
Gairm	aistritheoir, file, iriseoir tuairime, scríbhneoir aistí, scríbhneoir, léirmheastóir liteartha, scríbhneoir scripte, leabharlannaí, gearrscéalaí
Fostóir	Ollscoil Buenos Aires Ollscoil Náisiúnta La Plata Mariano Moreno National Library (en)
Ball de	Acadamh Ealaíona agus Eolaíochtaí Mheiriceá Acadamh Mínealaíon na Baváire Acadamh Ealaíon agus Litríochta Mheiriceá
Seánra	Filíocht agus aiste
Faoi thionchar	Veirgil, Joseph Conrad, Edgar Allan Poe, Oscar Wilde, Platón, Rudyard Kipling, H. G. Wells, Lewis Carroll, James Joyce, Hóiméar, Robert Louis Stevenson, Macedonio Fernández, Marcel Schwob agus Hans Vaihinger
Ainm cleite	B. Suarez Lynch H. Bustos Domecq
Teangacha	An Fhraincis, Béarla, an Ghearmáinis agus an Spáinnis
Ealaíontóirí gaolmhara	Adolfo Bioy Casares: Honorio Bustos Domecq (en)
Saothar
Saothar suntasach (1941) La Biblioteca de Babel
Suíomh a chartlainne	Ionad Harry Ransom [ MS-0453] Hesburgh Libraries Rare Books & Special Collections (en) Albert and Shirley Small Special Collections Library (en) [ MSS 10155]
Teaghlach
Céile	Elsa Astete Millán (1967–1970) María Kodama (1986–1986)
Páirtí	Concepción Guerrero
Athair	Jorge Guillermo Borges Haslam  agus Leonor Acevedo Suárez
Siblín	Norah Borges
Gradam a fuarthas (1985)  dochtúireacht oinigh ó Ollscoil Murcia../... 35+
Ainmnithe do (1966) Duais Nobel sa Litríocht (1965) Duais Nobel sa Litríocht (1964) Duais Nobel sa Litríocht (1963) Duais Nobel sa Litríocht (1962) Duais Nobel sa Litríocht (1956) Duais Nobel sa Litríocht
Síniú
Veu de Jorge Luis Borges (an Spáinnis)

Nuair a bhí sé ag druidim chun cnagaoise, chaill sé radharc a shúl de dheasca galar oidhreachtúil. Sa bhliain 1955, ceapadh ina stiúrthóir ar Leabharlann Náisiúnta na hAirgintíne é, agus rinneadh Ollamh le Litríocht de in Ollscoil Buenos Aires. Sa bhliain 1961, bhain sé amach clú agus cáil ar fud an domhain, nuair a bronnadh Prix Formentor, duais idirnáisiúnta na bhfoilsitheoirí, air. Ansin, cuireadh a lán teangacha ar a chuid saothar, agus foilsíodh iad sna Stáit Aontaithe agus ar fud na hEorpa.