Pádraig Ó Duincín
file agus cléireach Eaglais na hÉireann
File agus ministir in Eaglais na hÉireann ba ea an tUrramach Pádraig Ó Duincín (fl. 1615–1666).[1]
| Beathaisnéis | |
|---|---|
| Faisnéis phearsanta | |
| Scoil a d'fhreastail sé/sí | Coláiste na Tríonóide, Baile Átha Cliath  |
| Gníomhaíocht | |
| Gairm | sagart Anglacánach, file |
| Tréimhse oibre | 1615 – 1666 |
Fuair an Duincíneach oiliúint i gColáiste na Tríonóide. Bhí sé ina chléireach i bparóiste an Chreagáin i gContae Ard Mhacha sa bhliain 1615. Bhí sé ina churáideach ann timpeall na bliana 1633, agus bhí sé ina bhiocáire ar Dhomhnach Mór i gContae an Dúin sa bhliain 1641. Ghabh na Preisbitéaraigh é agus chuir an loch amach chun Oileán Mhanann é (1649 - 1651). D'fhill sé timpeall na bliana 1666, nuair a bhí an ré Chromaileach thart.
Sa dán Truagh mo thuras ó mo thír chuireann sé síos le héifeacht ar a dhíbirt agus déanann tagairt don seanchas:
- Truagh mo thuras ó mo thír
- go crích Mhanannáin mhín mhic Lir,
- idir triúr Piúratán - meabhal géar -
- gearr mo shaol más buan na fir…
- Dá maireadh Fearghas mac Róigh,
- nó Cú Chulainn dar chóir gradh,
- nó Murchadh mac Briain, ceann na sluagh,
- do chiorróidís go luath mo chrádh...
Féach freisin cuir in eagar
Foinsí cuir in eagar
- De Brún, Pádraig, Ó Buachalla, Breandán agus Ó Concheanainn, Tomás (eag.) (1975). Nua-Dhuanaire, Cuid 1. Institiúid Ardléinn Bhaile Átha Cliath, Baile Átha Cliath.
Tagairtí cuir in eagar
- ↑ Diarmuid Breathnach agus Máire Ní Mhurchú. “Ó DUINCÍN, Pádraig (fl. c.1615–1666) | ainm.ie” (ga). An Bunachar Náisiúnta Beathaisnéisí Gaeilge (Ainm.ie). Dáta rochtana: 2024-02-19.