Naomh Pól

Is é Naomh Pól (timpeall 10 - timpeall 67) duine de na haspail is cáiliúla agus is tábhachtaí i stair na Críostaíochta. Murarbh ionann agus na haspail eile ní raibh aithne phearsanta aige ar Íosa Críost. Níor chreid sé i scéal Íosa go dtí lá amháin nuair a chonaic sé aisling d'Íosa aiséirithe agus é ar an bhealach go dtí an Damaisc. Ceiliúrtar Tiontú Naomh Pól ar an 25 Eanáir.

Naomh Pól
An Dá Aspal Déag 44 -
Saol
Ainm iomlán	שאול התרסי agus Saulus Tarsensis
Eolas breithe	Tarsus, thart ar 5
Náisiúntacht	An tSean-Róimh
Áit chónaithe	Tarsus Iarúsailéim An Damaisc Aintíoch Salamis (en) Paphos (en) Antioch of Pisidia (en) Konya Liostra Derbe (en) Alexandria Troas (en) Philippi (en) Teasaloinicé Veroia (en) An Aithin An Choraint Ephesus (en) Miléatas An Tuír Acre (en) Caesarea Maritima (en) Siodón Míora Kaloi Limenes (en) Sioracús, an tSicil An Róimh
Bás	An Róimh, thart ar 67, thart ar 64, thart ar 65
Cúis bháis	pionós an bháis (dícheannadh)
Oideachas
Teangacha	An tSean-Ghréigis An Eabhrais An Ghréigis choitianta
Múinteoirí	Gamaliel (en)
Mic léinn	Lidia ó Thíaitíora
Gairm
Gairm	scríbhneoir, diagaire, misinéir, duine rialta, raibí, taistealaí agus ceardaí
Saothar iomráiteach	eipistilí Phóil
Daoine le tionchar air/uirthi	Gamaliel (en) agus Íosa Críost
Féile
12 Iúil, 10 Feabhra, 25 Eanáir agus 18 Samhain
Cleamhnú
Reiligiúin	Fairisínigh An Chríostaíocht
Discogs ID	613443

Naomh Pól ó Tarsas - Dealbh ar San Pietro na Vatacáine.

Tá tionchar ollmhór aige ar Thiomna Nua an Bhíobla toisc an méid scríbhneoireachta a rinne sé agus is féidir léargas a fháil ar an gCríostaíocht i dtús a réimse óna chuid litreacha. Tá ceithre litir déag againn scríofa aige agus is dóichí gurb iad siúd na cinn is sine. Luaitear trí thuras Naomh Pól i nGníomhartha na nAspal freisin.

Tá formhór na litreacha seo scríofa chuig séipéil timpeall na Gréige, na hÁise Bige agus na Róimhe, agus iad lán de chomhairle faoin gcaoi chun saol Críostaí a bheith ag duine agus céard a bhí i soiscéal Íosa.

Saol

Rugadh é i dTarsas, baile i gcríocha na hÁise Bige (na Tuirce an lae inniu). Admhaíonn Naomh Pól féin gur chaith sé anuas ar Chríostaithe agus é óg, agus go raibh sé i láthair nuair a rinneadh mairtíreach de Naomh Stiofáin. Ach lá amháin agus é ar a bhealach go dtí an Damaisc, tháinig Íosa chuige in aisling agus d'impigh sé ar Phól a shaol a athrú. I ndiaidh na heachtra seo bhí Pól dall go dtí gur bhaist Ananias é. Ó shin ar aghaidh thug Pól faoi theachtaireacht Íosa Críost a scaipeadh.

Ina dhiaidh sin thaistil sé ar fud na háite ag múineadh an tsoiscéil. D'fhill sé lá ar Iarúsailéim, agus cé gur lig na Giúdaigh dó fanacht ansin ar dtús, tháinig fearg ar ghrúpa mór a bhí réidh lena chur chun báis. Ach shábháil saighdiúir Rómhánach é. Gabhadh agus cuireadh i bpríosún é.

Níl sé iomlán cinnte céard a tharla dó ina dhiaidh sin. De réir Eusebius ó Chaesarea (sa 4ú haois) cuireadh chun báis é faoi riail an Impire Nearó. Tá traidisiún ann go bhfuair Naomh Pól bás ar an lá cheanna agus Naomh Peadar (29 Meitheamh) sa bhliain 64 nó 67.

De réir chuntais eile. chuaigh sé go dtí an Spáinn agus is féidir go ndeachaigh sé go dtí an Ghréig agus an Áis Bheag. Pé scéal é, is cosúil gur gabhadh é, agus gur cuireadh chun báis é sa Róimh.