Snag (scairt)

Crapadh ainneonach na scairte is ea snag, a chuireann tús le hionghabháil aeir, a stoptar le freanga ainneonach (is dúnadh) an ghlotais.

Snag (scairt)

Aitheantóirí
MeSH	D006606
Acmhainní seachtracha
EB Online	science/hiccup
Téarmaíocht anatamaíoch

Ciallaíonn sin go mbíonn an diafram ag bogadh go tapa agus tagann aer amach ónár mbéal go tapa.

Éist

Uaireanta bíonn “hic” le cloisteáil nuair a bhíonn snag orainn. Cruthaítear mar sin fuaim ghéar shainiúil ionanálaithe leis an ngníomhaíocht seo.

Cúis agus leigheas

Uaireanta agus sinn ag ithe, nó ag ól an iomarca, nó go róthapa, tagann snag orainn. Ní fios cén fáth go dtarlaíonn snaganna. Is eol nach n-éiríonn leis na leigheasanna pobail.

De ghnáth imíonn snaganna chomh tapa is a tháinig.

Cleasanna

Go minic, bíonn cleas ag duine chun stop a chur leis an snag.

• Deir daoine go gcabhraíonn sé má ólann tú gloine uisce go mall.
• Deir daoine eile gur cheart d’anáil a choinneáil istigh ar feadh 30 soicind.

Inniu, muna n-imíonn snaganna, úsáidtear an druga clórprómaisín chun stop a chur leis.

Uaireanta ní oibríonn na cleasanna nó an druga. Mar sin, níl aon rogha againn ach fanacht go dtí go n-imíonn an snag. Ar 13 Meitheamh 1922, tháinig snag ar Charles Osborne i Meiriceá. Ó bhó, ní raibh aon éifeacht ag na gnáthchleasanna ar an mbail a bhí air. Ní dhearna aon chóir leighis aon leas dó. Mhair an snag ar feadh 68 bliain agus thart ar 430 milliún “hic”. Ar 5 Meitheamh 1990, d’imigh an snag go tobann, gan cúis shoiléir. Inniu tá ainm Charlie sa leabhar Guinness World Records don tréimhse is faide a bhí snag ar dhuine.