Katie Taylor

dornálaí agus imreoir sacair Éireannach

Is dornálaí Éireannach í Katie Taylor, ó Bhré i gContae Chill Mhantáin.[1] Rugadh í ar 2 Iúil 1986. Bhuaigh sí bonn óir sna Cluichí Oilimpeacha i Londain sa bhliain 2012 agus bhain sí curadh an domhain amach sa rannóg éadrom-mheácháin na mban don chéad uair sa bhliain 2018.

Katie Taylor
Katie Taylor 2012 (cropped).jpg
Katie Taylor sa bhliain 2012
Saol
Eolas breithe Bré, 2 Iúil 1986 (36 bliain d’aois)
Náisiúntacht Éire
Muintir
Athair Pete Taylor (boxing coach)
Oideachas
Alma mater An Coláiste Ollscoile, Baile Átha Cliath
Gairm
Gairm dornálaí agus imreoir sacair
Conair
  Foireann Comórtas
- Peamount United (en) Aistrigh
- St Catherine's L.F.C. (en) Aistrigh
- St James's Gate F.C. (en) Aistrigh
2006-2009Flag of Ireland.svg  Republic of Ireland women's national football team (en) Aistrigh 11
Ionad nó speisialtacht ionsaitheoir
Airde 165 cm
IMDb nm2513572
katietaylor.ie
Instagram katie_t86
Twitter KatieTaylor

GairmCuir in Eagar

Thosaigh Katie Taylor ag dornálaíocht, agus í 12 bliain d’aois. Ba ag Craobhchomórtas Eorpach na nAmaitéarach 2006, san Iorua, a fuair sí a céad bhua thábhachtach. Bhuaigh sí an bonn óir ag an aicme éadrom-mheáchan 60kg. Níos déanaí sa bhliain sin, ag Craobhchomórtas Dhomhan na nAmaitéarach, i bPodolsk na Rúise, shroich Katie Taylor na babhtaí ceathrú ceannais san aicme 60kg.

Ag Craobhchomórtas Eorpach na n-amaitéarach, in Warszawa na Polainne, bhuaigh Taylor a dara bonn óir i ndiaidh a chéile. Stop sí an curadh domhanda reatha, Tatiana Chalaya as an Rúis. Bronnadh duais don dornálaí is fearr sa craobhchomórtas uirthi freisin.

 
Taylor i Londain, 2012

Ag Craobhchomórtas Dhomhan na n-amaitéarach sa bhliain chéanna, i nDeilí Nua na hIndia, fuair sí an ceann is fearr ar Chalaya arís sa bhabhta leathcheannais agus ar Annabella Farias na hAirgintíne sa chluiche ceannais 60kg. Sa bhliain 2007, bhuaigh sí Teideal Chraobhchomórtas Eorpach na n-amaitéarach don tríú bliain as a chéile.

 
cluichí oilimpeacha, 2012

Lean Katie ar aghaidh chun a dara teideal domhanda a bhuachan ag Craobh Domhanda na mBan sa Dornálaíocht, i Samhain, ag Ningdo sa tSín. Fuair sí an ceann is fearr ar ar Cheng Dong na Síne sa chluiche ceannais.

Ar 21 Márta 2009, ag an O2 i mBaile Átha Cliath, bhuaigh sí 27-3 in aghaidh sheaimpín Phan-Mheiriceánach Caroline Barry óna Stáit Aontaithe, ar fho-chárta Bernard Dunne agus Ricardo Cordoba. Ag labhairt tar éis na troda, dúirt Taylor go ndearna an fáilte a cuireadh roimpi ón lucht leanúna Éireannach staic di. Dúirt sí, “níor chreid mé an fáiltiú a fuair mé!”

Ar 18 Meán Fómhair 2010, ní gan dua a bhuail Taylor a tríú craobh domhanda as a chéile ag Craobh Domhanda na mBan i mBarbadós, agus Cheng Dong na Síne arís sa chluiche ceannais.

Bhuaigh Katie  bonn óir sna cluichí oilimpeacha i 2012.

2016 ar aghaidhː dornálaí gairmiúilCuir in Eagar

Chuaigh Taylor ina cheann go gairmiúil nuair a bhí sí tríocha bliain d'aois, sa bhliain 2016 (le Matchroom Sport).

Theip uirthi troid a bhuachan don chéad uair le cúig bliana anuas i gcoinne Yana Alekseevna na hAsarbaiseáine ar 15 Aibreán 2016.[2]

I mí Dheireadh Fómhair 2017, bhí an bua ag Katie ar Anahi Esther Sanchez. Throid sí ar son chraobh an domhain i Caerdydd (an phríomhchathair sa Bhreatain Bheag).[3]

Ar 27 Aibreán 2018 i Nua-Eabhrac, bhuaigh sí an Chraobh Dhomhanda san IBF (International Boxing Federation) – agus curadh domhanda sa WBA (World Boxing Association) í cheana féin.

Ar 30 Aibreán 2022, fuair Taylor an ceann is fearr ar a céille comhraic, Amanda Serrano, sa bhabhta dornálaíochta i Madison Square Garden. D'fhág bua na hoíche sin sa Chraobh Éadrom Mheáchan Domhanda gurb í Taylor an curadh domhanda i gcónaí.[4] Léirigh Taylor teacht aniar leis an troid a bhuachan ar phointí agus bean Phuerto Rico a chloí. Bhí moltóir amháin a bhronn an troid ar Serrano, ach thaobhaigh an bheirt eile le Taylor.

Ba í an chéad uair riamh a raibh troid idir beirt bhan ar an bpríomhimeacht sa gcró dornálaíochta iomráiteach sin i Nua-Eabhrac, Madison Square Garden.[4] D’fhéach 1.5 milliún duine ar an troid.[5]

PearsantaCuir in Eagar

Mar imreoir sacair, d'imir Taylor le foireann náisiúnta na mban.

TagairtíCuir in Eagar

  1.   Eleathanach 274, 21 Deireadh Fómhair 2017
  2. Nuacht RTÉ (2016-04-15). "Katie Taylor na hÉireann buailte" (in ga). 
  3. ELeathanach 293, 30 Aibreán 2018
  4. 4.0 4.1 Nuacht RTÉ (2022-05-01). "Katie Taylor buacach i 'Madison Square Garden'" (in ga). 
  5. Maynooth University (Bealtaine 2022). "Eleathanach 411". www.maynoothuniversity.ie. Dáta rochtana: 2022-05-07.