Bhí Máire I (18 Feabhra 151617 Mí na Samhna 1558), ar a dtugtar freisin Máire Thúdarach, ina banríon ar Shasana agus ar Éirinn ó 19 Iúil 1553 go dtí lá a báis. Ba í an ceathrú monarc Túdarach agus tá cáil ar na hiarrachtaí a rinne sí chun a Caitliceachas Rómhánach a athbhunú i Sasana. Bhí sé mar thoradh ar na polasaithe seo gur cuireadh beagnach trí chéad Protastúnach chun báis le linn a réimis, agus tugadh an leasainm 'Máire Fhuilteach' uirthi de bharr an tslada seo.

Máire I Shasana
Mary I of England.jpg
céile rí na Spáinne


monarc Ríocht Shasana

Iúil 1553 - Samhain 17, 1558
An Bhantiarna Jane Grey - Eilís I Shasana
Saol
Eolas breithe Palace of Placentia (en) Aistrigh, Feabhra 18, 1516
Náisiúntacht Ríocht Shasana
Bás St James's Palace, Samhain 17, 1558
Áit adhlactha Abtheach Westminster
Na cúinsí a bhaineann lena b(h)ás bás nádúrtha (reproductive system disease (en) Aistrigh)
Muintir
Athair Anraí VIII Shasana
Máthair Caitríona Aragón
Céile/Céilí Pilib II na Spáinne  (Iúil 25, 1554 (Gregorian) -
Siblíní
Teaghlach
Treibh Tudor dynasty (en) Aistrigh
Oideachas
Teangacha An Béarla
An Spáinnis
An Fhraincis
An Laidin
Gairm
Gairm polaiteoir agus uasal
Duais
Creideamh
Reiligiúin Eaglais Chaitliceach Rómhánach
Mary I Signature.svg

Ba í Máire an t-aon pháiste amháin ag Anraí VIII agus a chéad bhean chéile, Caitríona Aragón, a mhair ina duine fásta. Chuaigh a leathdheartháir níos óige, Éadbhard VI, i gcomharbacht ar a n-athair in 1547 nuair a bhí sé naoi mbliaina d'aois. Nuair a bualadh Éadbhard ag tinneas básmhar in 1553, rinne sé iarracht Máire a thógáil amach as an líne chomharbais toisc gur cheap sé, agus an ceart aige, go gcuirfeadh sí atheagruithe an Phrotastúnachais a tharla agus é féin i réim droim ar ais. Tar éis a bháis, d'fhógair mórpholaiteoirí an ama sin an Bhantiarna Jane Grey mar bhanríon. Go gearr ina dhiaidh sin, bhailigh Máire fórsa in Anglia Thoir chun Jane a dhíbirt, agus baineadh an ceann den chailín bocht sin ar deireadh thiar. Ba í Máire an chéad bhanríon i réim ar Shasana, seachas Jane agus an Banimpire Matilda, a bhfuil easaontas ar bhailíocht a réimeanna féin. Phós Máire Pilib II na Spáinne in 1554, gur rinneadh Céile an Rí ar Habsburg na Spáinne di ar a theacht i gcoróin in 1556.

Aistríodh Sasana ina thír Phrotastúnach arís nuair a tháinig leath-dheirfiúr Mháire, Eilís I, i gcomharbacht uirthi.

Fuair Máire bás ar an 17ú Samhain 1558 tar éis bréagthoircheas ón mbliain roimhe sin. Ceaptar gurbh fhéidir go raibh cisteanna ubhagáin nó ailse broinne uirthi[1].

TagairtíCuir in Eagar

  • Waller, Maureen (2006). Sovereign Ladies: The Six Reigning Queens of England. Nua Eabhrac: Teach Foilsitheoireachta St Martin. ISBN 0-312-33801-5.

NótaíCuir in Eagar

  1. Waller, lch. 108