Réadlann Gaocheng (nó Dengfeng), a tógadh sa tSín sa bhliain 1276 agus atá ina Suíomh Oidhreachta Domhanda de chuid UNESCO anois.

D'fhás an réalteolaíocht sa tSín neamhspleách ar an iarthar, agus bhain sí an-chuid éachtaí amach: an chéad taifead ar urú na Gealaí i 1361 RC, 4 cinn eile i 1279 RC; tomhas ar an nGrian agus eolaire 12 mhí (roimh 1100 RC); áirimh ailgéabracha ar na réaltaí (roimh an 5ú céad RC); grinniú ar chóiméad Halley (b'fhéidir i 611 RC, ach go cinnte i 467 RC); tiomsú chatalóga na réaltaí (faoin 5ú céad RC); fad na bliana a ríomh mar 365¼ lá (444 RC); tuairisc ar ghluaiseachtaí Iúpatair is Satairn (350 RC); 1080 réalta cláraithe i 6 rang gile (1ú céad RC); taifead ar ghrianspotaí (28 RC); iarmhairt na Gealaí ar thaoidí aimsithe (80 AD); tuiscint ar uruithe is rothlú na Gealaí (2ú céad); loingseoireacht le cabhair na réaltaí (2ú céad); breathnú ar eireaball cóiméid dírithe amach ón Ghrian (635); breathnú ar ollnóva (1054, nár taifeadadh san Eoraip); clog réalteolaíochta, sféar bráisléadach, cruinneog neamhaí, fuinnmhithe le huisce (1080); réadlann mhór (1280, 300 bliain roimh an gcéad cheann san Eoraip); taifead ar 90 ollnóva is 581 cóiméad faoi 1700. Is ón mbunús Síneach an córas comhordanáidí réaltaí a úsáidtear ar fud an Domhain anois.