Comhphobal Eorpach do Ghual agus Chruach

An chéad institiúid Eorpach eacnamaíochta ba ea an Comhphobal Eorpach do Ghual agus Chruach, a bunaíodh sa bhliain 1952 faoi Chonradh Pháras. 6 thír a bhí ina mbaill ar dtús: an Fhrainc, an Iar-Ghearmáin, an Iodáil, an Bheilg, an Ollainn is Lucsamburg.

Comhphobal Eorpach do Ghual agus Chruach

(en) European Coal and Steel Community
Bratach an Chomhphobail Eorpaigh do Ghual agus Chruach
Sonraí
Cineál	eagraíocht réigiúnach
Stair
Téann in áit	International Authority for the Ruhr (en)
Dáta a bunaíodh	18 Aibreán 1951
Bunaitheoir(í)	an Bheilg, an Fhrainc, an Iodáil, Lucsamburg, an Ísiltír agus an Ghearmáin Thiar
Dáta díscaoilte, díothaithe nó scartáilte	23 Iúil 2002
Rud nó duine a tháinig ina áit	Aontas Eorpach
Rialachas corparáideach
Ceanncheathrú	An Bhruiséil, An Bheilg
Uachtaránacht	Jean Monnet (1952–1955)
Fochomhlacht	Joint Information Service of the European Community (en)
Cuid de	Aontas Eorpach (1967–)

Ba é a chuspóir dleachtanna custaim is srianta cuóta maidir le gual, mianach iarainn is seaniarainn a bhaint agus iomaíocht shaor chothrom sna hearraí sin a chothú. Athraíodh an t-ainm go dtí an Comhphobal Eorpach Eacnamaíochta (EEC) i 1957, agus an Comhphobal Eorpach (EC) i 1967.

Chuaigh Éire, an Danmhairg is an Ríocht Aontaithe isteach san EC i 1973, an Ghréig i 1981, an Spáinn is an Phortaingéil i 1986, agus an iar-Oir-Ghearmáin i 1990 (le hathaontú na Gearmáine). Athraíodh an t-ainm arís i 1993 go dtí an tAontas Eorpach (EU).

Chuaigh an Ostair, an Fhionlainn is an tSualainn isteach ann i 1995; Málta, an Chipir, an tSlóivéin, an Eastóin, an Laitvia, an Liotuáin, an Pholainn, Poblacht na Seice, an tSlóvaic is an Ungáir i 2004; an Bhulgáir is an Rómáin i 2007.